Suro 12:9 - Sura Malelaha

⁹ Meula mpuumi Peturu i malaeka iti. Agaiana bara mani manoto i Peturu ba tou mpuu apa au mewali iti ba pangipina pea.

Suro 12:9 교차 참조

Ibarani 11:8

Anti pepoinalaina, Burahima mampeulai hawana Pue Ala. Burahima nakakio hai natudu Pue Ala lao i tampo au karao, Nauliangaa, “Tampo au Kutudungiako ina mewali kiramu hai kiranda pemuleamu.” Mewali, kehapiri bara naisa iumba kalaoana, meangkami Burahima moula hawana Pue Ala.

Suro 26:19

“Datu Agripa au kubila, idomi hai kupari-pari mampeulai apa au nauliangaana Pue i lalu pampetudungiaNa iriko.

Suro 10:3

Hambela tempo, ba arami pae tinti talu kalumba, Naitami hambua pampetudungia. I lalu pampetudungia iti, naitami hadua malaekana Pue au mekakio, nauli, “Kornelius!”

Suro 11:5

“Tangangku mekakae i wanua Yope, unga peana moita hambua pampetudungia. I lalu pampetudungia iti, kuita ara au nodo bana mapeka, rabararangi iba hunona, hai bana iti raulu hangko i langi toa i lindoku.

Suro 10:17

Wulimi Peturu mampekiri apa lempona pampetudungia au hangko naita. Tangana mani mampempekiri, hawemohe tuduana Kornelius i wanua Yope. Ihira mekunehe i ampu boea ba iumba souna Simo. Ratudungiahe souna Simo, hai laomohe meangka i tabangaa,

Suro 9:10

I tempo iti, i wanua Damsik, ara hadua tauna au mepoinalai i Yesu, hangana Ananias. Ia moita hambua pampetudungia, hai i lalu pampetudungia iti, Pue Yesu mekakio, Nauli, “Ananias!” Mehana Ananias, nauli,, “Idetona Pue.”

Yohane 2:5

Hangko inditi, mololita inana Yesu i topobago i posusa iti, nauli, “Apa pea au natuduakau Yesu, nibabehi!”

Suro 12:8

Nauli mbuli malaeka iti i Peturu, “Boke pekomu, hai mekandupako!” Napeulai mpuumi Peturu hawana, hai roo indo, nauli mbuli malaeka, “Ala komomu hai meulako iriko.”