Suro 12:5 - Sura Malelaha

⁵ Tangana Peturu i lalu tarunggu, topepoinalai i Pue Yesu mampekakaea liliuhe Peturu.

Suro 12:5 교차 참조

1 Korintu 12:26

Ane ara hadua ranganta au mahai, hangangaa mantodiha sambelake. Ane ara hadua ranganta au ratoia, ikita ope-ope ina matana sambela worike.

Yakobu 5:16

Ido hai hangangaa mangaku salakau i hangka rangami, hai mombepekakaeakau bona maohakau. Tauna au manoto babehianda pemoso mpuu pekakaenda.

2 Korintu 1:11

Hai nipekakaea woringkai. Lawi ane bosa tauna mampekakaengaangkai, Pue Ala ina motulungingkai, alana bosa tauna ina manguli ngkaia kamaroana Iria.

Matiu 18:19

Kuuliangaa mbulikau: ane arakau rodua i dunia ide au hintuwu mekakae mamperapi ba apa pea, pekakaemi iti ina nahanai UmaNgku au ara i suruga.

Ibarani 13:3

Hangangaa mokatuinaokau rangami au i lalu tarunggu. Hangangaa nihalea kaparinda nodo worikau ratarunggu hihimbela hai ihira. Hai nitulungihe tauna au rapopeahi-ahi anti pepoinalainda. Hangangaa nihalea kamaparinda nodo worikau au rapopeahi-ahi hihimbela hai ihira.

Suro 12:12

Roo indo, laomi Peturu i souna Maria, inana Yohane au rauli wori Markus. I sou iti, bosahe tauna teruhu mekakae.

Lukasi 18:1

Roo indo, Yesu mopahawe hampaka ngkora pandiri i topeguruNa bona mekakae liliuhe hai inee malede lalunda.

Suro 12:4

Mohaka mpuumohe Peturu, hai ratarunggu. Iba tobuna surodado rapohawaa mekampai, hantobu-hantobu ibahe. Tunggaiana Herode bona kara-karana Peturu rapohuda-hudaa i lindonda tauna bosa ane liumi Posusa Pasa.

Suro 12:6

I wengi hangko damani naanti Herode i lindona tauna bosa, Peturu maturu rapaitangai rodua surodado. Taiena rataka hai rante. Ara wori surodado ntanina au mokampai baba tarunggu.