Suro 12:4 - Sura Malelaha

⁴ Mohaka mpuumohe Peturu, hai ratarunggu. Iba tobuna surodado rapohawaa mekampai, hantobu-hantobu ibahe. Tunggaiana Herode bona kara-karana Peturu rapohuda-hudaa i lindonda tauna bosa ane liumi Posusa Pasa.

Suro 12:4 교차 참조

Lukasi 22:33

Nahanai Peturu, “Pue, baraKo ina kupalehi! Kehapirina ratarunggu ba mate hihimbela hai Oio, batengku meula liliu Irio!”

Lukasi 21:12

Agaiana hangko damani ope-ope iti mewali, ikamu ina rahaka hai rapopeahi-ahi. Ina rasalaikau i lalu sou penombaa hai ratarunggukau. Anti peulami Iriko, ikamu ina rahuhu i datu hai topoparenta.

Suro 4:28

Rabotusimi bona mopapatehe Yesu. Agaiana au rababehi iti mopabukei apa au Nupakanoto amimi alana ope-ope mewali moula kuasaMu hai peundeaMu.

Suro 4:3

Ido hai suro au rodua iti rahakahe hai rapopesua i lalu tarunggu. Ratahahe indo hawe madondo lawi ina kaindimi.

Yohane 21:18

Tou mpuu lolitaNgku ide: i tempomu mani mangura, mowewe saduduako pekomu, hai laoko iumba pea peundeamu. Agaiana ane saemoko hangalo, ina mohuhuko taiemu rataka tauna ntanina hai raantiko lao i paidaa au bara nuunde.”

Matiu 26:5

Agaiana rauli wori, “Inee hampai tahaka i alo mahile dati ara pohiho i olonda tauna bosa.”

Matiu 24:9

I tempo iti, ikamu ina rahaka hai rahuhu i tauna bona rapopeahi-ahikau hai rapapatekau. Anti peulami Iriko, tauna i humalele dunia ina mokahihikau.

Suro 8:3

Hai i tempo iti, Saulu mampopeahi-ahi liliu tauna au mepoinalaihe i Pue Yesu. Ope-ope sounda nasuaki, hai ope-ope tauna au mepoinalai i Yesu, maroa tobalilo maroa towawine, nahakahe hai naantihe lao ratarunggu.

Suro 5:18

Mohakamohe surona Pue Yesu iti hai ratarungguhe.

Yohane 19:23

Karoonda surodado mopaku Yesu, moalamohe apa au napake Yesu rakira iba hadua hampaka. Moala worihe KumbaNa, kumba iti bara ara podaloana, lawi ratanu bona mewali hantau bana.

Markus 14:1

Rongalo rai ina hawe Alo Posusa Pasa hai Posusa Roti Au Bara Raragii. I tempo iti, kapala-kapala tadulako mpenomba hai guru agama mohaoki rara mohaka ngkandii Yesu bona rahuhu rapapate.

Suro 12:3

Apa au nababehi iti rapokana to Yahudi. Ido hai Herode motudumohe tauna mohaka Peturu. Iti mewali i alo mahilenda to Yahudi au rauli Posusa Roti Au Bara Raragii hai rauli wori Posusa Pasa.

Suro 12:5

Tangana Peturu i lalu tarunggu, topepoinalai i Pue Yesu mampekakaea liliuhe Peturu.