Suro 12:12 - Sura Malelaha

¹² Roo indo, laomi Peturu i souna Maria, inana Yohane au rauli wori Markus. I sou iti, bosahe tauna teruhu mekakae.

Suro 12:12 교차 참조

Suro 12:5

Tangana Peturu i lalu tarunggu, topepoinalai i Pue Yesu mampekakaea liliuhe Peturu.

Pilemo 1:24

Tabeanda wori halalungku au hampopobago, iami Markus, Aristarkus, Demas hai Lukasi.

Suro 13:5

Kahawenda i boea Salamis, mopahawemohe Ngkorana Pue Ala i sou penombaanda to Yahudi. Yohane au rakakio wori Markus modureihe i lalu bagonda iti.

Suro 12:25

Roomi bagonda Baranaba hai Saulu i Yerusale, mesulemohe lao i Antiokia, hai Yohane au rauli wori Markus raanti hihimbela hai ihira.

2 Timotiu 4:11

Batena pearai Lukasi au hihimbela hai iko. Ane maiko, moropoliuko mai Markus nuporanga, lawi ia peisa motulungina i lalu bagongku.

Kolose 4:10

Aristarkus, rangangku ratarunggu, mopakatu tabeana irikamu. Markus halaluna Baranaba, mopakatu wori tabeana. (Nikatuinao apa au kuperapi hangkoia bona ane hawe Markus deade, nidoko maroa!)

Suro 13:13

Hangko i Pafos, Paulu hai rangana mesawimohe i kapala tahi lao i wanua Perga i Propinsi Pampilia. Inditimi, Yohane au rakakio wori Markus mopalehihe rangana hai mesule i Yerusale.

Suro 16:40

Mewali, padu mpuumohe Paulu hai Silas hangko i tarunggu iti lao i souna Lidia. Inditi mampombelambiamohe halalu hampepepoinalainda, hai rapakaroho lalunda. Roo indo, padumohe mopalehi wanua Pilipi.

Suro 4:23

Karakabahanda Peturu hai Yohane, laomohe mampohidupaa ranganda, hai rapololita apa au rauliangaahe kapala-kapala tadulako mpenomba hai totosaenda to Yahudi.

1 Peturu 5:13

Tabea hangko i halalumi hampepepoinalai au arahe inde i wanua Babilon au napilei worihe Pue Ala nodo ikamu. Markus au kupoanami, mopakatu wori tabeana irikamu.