Suro 10:30 - Sura Malelaha

³⁰ Mehanami Kornelius, nauli, “Iba alona liu, i tempo au himbela hai ide, tangangku mekakae i soungku tinti talu kalumba, unga pea ara hadua tobalilo au meangka i lindoku. Hampina mengkila-ngkila.

Suro 10:30 교차 참조

Suro 10:3

Hambela tempo, ba arami pae tinti talu kalumba, Naitami hambua pampetudungia. I lalu pampetudungia iti, naitami hadua malaekana Pue au mekakio, nauli, “Kornelius!”

Suro 1:10

Tanganda mani mengoa mototoki pengkaoreNa, unga peahe moita rodua tobalilo au mehampi bula, meangka i olonda.

Suro 3:1

Tinti talumi kalumba, Peturu hai Yohane laohe i Souna Pue Ala i tempona pekakaeanda to Yahudi.

Lukasi 24:4

Wuli mani lalunda moita iti, unga peahe ara rodua tobalilo au mehampi mengkila-ngkila meangka i holanda.

Markus 16:6

Nauli anantomoane iti, “Ineekau tingkara! Kuisa kamohaokimi Yesu to Nasare au rapaku i kau mombehape. Ia tuwo hulemi! Barapi ara inde. Nipeita karadampaaNa.

Matiu 28:3

Lenggena, mewangka nodo kila, hai hampina bula ntepuu.

Suro 10:22

Rahanai, “Tua Kornelius, tadulako surodado Roma, motudungkai mai inde. Ia, tauna au manoto laluna hai mengkoru mpuu i Pue Ala, hai rabila wori ope-ope to Yahudi. Ia natudu hadua malaekana Pue lao mokakioko naanti i souna bona peisa mohadi apa au ina nuuliangaa.”

Suro 10:29

Ido hai i kanakakiongku mai tua, barana bai menggoli. Mewali, ide-ide kupeinao moisa tunggaiamu mokakiona mai.”

Suro 10:31

Nauliangaana tauna iti: ‘Kornelius, napehadingimi Pue Ala pekakaemu hai Naitami kamaroana lalumu.