Roma 9:7 - Sura Malelaha

⁷ Hai i olonda pemuleana Burahima, barahe ope naimba Pue Ala anana Burahima. Lawi Pue Ala modandimi i Burahima, Nauli, “Batena pea pemuleana Isaki au ina raimba pemuleamu.”

Roma 9:7 교차 참조

Galatia 4:23

Anangkoi au napoanaka towawine au hawi tuwona, rapoanaka moula peundeana manusia. Agaiana anangkoi au napoanaka towawine au bara hawi, rapoanaka mopabukei dandina Pue Ala i Burahima.

Pilipi 3:3

Katouana ikitami au manoto i peitana Pue Ala lawi menombake Iria moula peninina Inaona haduduaNa, hai matana mpuu lalunta anti pohintuwuta hai Kerisitu Yesu. Barake moharunga ada au raita pea i raoa bona mewalike manoto i peitana Pue Ala.

Lukasi 3:8

Ane tou-tou menosokau hangko i dosami, nibabehimide babehia au maroa. Hai inee nauli lalumi: ‘Ikita ide, pemuleanake Burahima. Barake ina nahuku Pue Ala.’ Iti bara tou! Nipehadingi: ane naunde Pue Ala, pemuleana Burahima peisa Napopewali hangko i watu ide.

Yohane 8:33

Mehanahe, rauli, “Ikami ide, pemuleanangkai Burahima! Barangkai hambela rapohawi. Moapari hai Nuuli ina tekabahangkai hangko i karapohawingki?”

Lukasi 16:30

Nauli topebuku iti, ‘Uma Burahima, ane iti pea, bara handa! Ane nutudu hadua tomate au tuwo hule lao mololita irihira, hangko mampenosoirihe dosanda!’

Matiu 3:9

Hai ineekau mampemahile, niuli, ‘Ikita ide, pemuleanake Burahima. Barake ina nahuku Pue Ala.’ Iti bara tou! Nipehadingi! Ane naunde Pue Ala, pemuleana Burahima peisa Napopewali hangko i watu ide.

Galatia 4:28

Halalu-halalu! Ikamu ananamokau Pue Ala au rapoanaka hintoto hai dandina Pue Ala; ikamu himbelakau hai Isaki.