Roma 8:38 - Sura Malelaha

^38-39 Lawi kupoinalai, bara ara au peisa mohomboki ahina Pue Ala irikita. Mate ba tuwo, batena Napokaahi liliuke. Bara ara malaeka ba kuasa tokadake, bara ara pepopalanga maroa ide-ide ba i alo au ina mai, bara ara kuasa i langi ba i tampo, bara ara au peisa mogaakike hangko i ahina Pue Ala au tahumba anti pohintuwuta hai Amputa Kerisitu Yesu.

Roma 8:38 교차 참조

Yohane 10:28

Kuweihe katuwo maroa au bara mokahopoa, hai manotomi kadanda ina rahuku. Bara ara hadua au peisa mamperampaihe hangko i taieNgku.

Roma 14:8

I tuwonta ba i matenta, hangangaa mobilake Amputa. Tuwo ba mateke, batena kiranake Pue.

2 Timotiu 1:12

Mewali, anti pobagongku mobambari Ngkora Marasa iti, ido hai molambina kapari i lalu tarunggu. Agaiana nauri nodo, barana maea. Lawi kuisa kahemana au kupoinalai, hai kupoinalai kaIana au ina mokadipurana, hai batena manoto i lalungku kamakuasaNa mokadipurana hawe i alo pebotusi.

1 Peturu 3:22

Hai i karapatuwoNa hule, Yesu mengkaoremi lao i suruga, mohuda ntanda i koanana Pue Ala. Ope-ope malaeka hai au makuasa hai au moparenta, rapopengkoru hahahe Iria.

Kolose 1:16

Lawi Iami au napopatoa Pue Ala mampopewali hinangka au ara, au i suruga hai i dunia, maroa au raita ba au bara raita, tepesua ope-ope au makuasa hai au moparenta. Pue Ala mampopatoa Kerisitu mampopewali hinangkana iti bona Kerisitu rapomahile.

Kolose 2:15

I kapatena Kerisitu i kau mombehape, Pue Ala monangimi ope-ope tokadake hai ope-ope au makuasa bona kaNananginda tongawa i humalele dunia.

Epesu 1:21

Kuasa au Nawei Pue Ala i Kerisitu iti, meliu kamahilena hangko i kuasanda ope-ope topoparenta, tomakuasa, tadulako, hai au rapenombai. KuasaNa iti meliu kamahilena hangko i ope-ope au molambi pohudaa au teadai, maroa au tuwo ide-ide, maroa au tuwo i alo au ina mai.

2 Korintu 4:13

I lalu Sura Malelaha, teuki node: “Anti pepoinalaingku, ido hai barana langa mololita.” Nodo wori ikami. Mepoinalaingkai i Pue Ala, ido hai barangkai langa mopahawe Ngkora Marasa.

Roma 4:21

lawi napoinalai kamakuasana Pue Ala mopabukei dandiNa.

2 Korintu 11:14

Bara tapotingkara babehianda, lawi nodo wori babehiana Datu Tokadake au mobaliki watana mewali nodo hadua malaeka au mewangka.

Ibarani 11:13

Ope-ope tauna iti mampoinalai liliuhe dandina Pue Ala duuna i kapatenda, agaiana bara manihe mohumba apa au nadandiahe Pue Ala. Peisa tauli: moita ngkarao peahe pewalina. Raisa mahae mani hangko mewaliri. Agaiana nauri nodo, bara bata-bata lalunda i dandina Pue Ala. Matana mpuuhe mampegia pewalina, ido hai rauli: tuwohe i dunia ide nodo pea torare ba topolilo.

Roma 6:23

Hema au mobabehi dosa batena molambi hurungina, hai hurungina iti iami kapate au mogaakike hangko i Pue Ala. Agaiana anti kabulana laluna Pue Ala irikita, ido hai Naweike katuwo maroa au bara mokahopoa. Kabulana laluNa iti tahumba anti pohintuwuta hai Kerisitu Yesu, Amputa.

Roma 14:7

Lawi ikita to Sarani, barake ara hadua au tuwo moula peundeata haduduanta. Bara worike ara au mate moula peundeata haduduanta.

1 Korintu 15:24

Roo nodo, hawemi kahopoa dunia, i tempo iti, Kerisitu ina monangi ope-ope topoparenta, ope-ope tadulako, hai ope-ope au makuasa. Hai kahopoana, Nahuhumi kadatuaNa i Pue Ala Umanta.