Roma 8:35 - Sura Malelaha

³⁵ Apa pae au peisa mogaakike hangko i ahina Kerisitu? Kehapirike narumpa kasusa, ba kapari, pepopeahi-ahi, rimi, peahi-ahi, pepopalanga, ba pepapate, bara ina tekabaha ahina Kerisitu irikita.

Roma 8:35 교차 참조

Yohane 10:28

Kuweihe katuwo maroa au bara mokahopoa, hai manotomi kadanda ina rahuku. Bara ara hadua au peisa mamperampaihe hangko i taieNgku.

Yohane 16:33

Ope-ope ide Kuuliangaamokau bona molambikau katinda lalu hangko i pohintuwumi hai Iko. Tangami mani i dunia ide, batemi rapopeahi-ahi. Agaiana nipakaroho lalumi, lawi kuasa tokadake au ara i lalu i dunia ide Kunangimi.”

2 Korintu 4:17

Kapari au kipolumaongi ide-ide bara hanoumba hai hampalai pea, hai ane mantahangkai ina molambingkai katuwo maroa au bara mokahopoa. Peawana katuwo au ina kilambi iti melumbu kamahilena hangko i kapari au kihampei ide-ide.

2 Timotiu 1:12

Mewali, anti pobagongku mobambari Ngkora Marasa iti, ido hai molambina kapari i lalu tarunggu. Agaiana nauri nodo, barana maea. Lawi kuisa kahemana au kupoinalai, hai kupoinalai kaIana au ina mokadipurana, hai batena manoto i lalungku kamakuasaNa mokadipurana hawe i alo pebotusi.

1 Korintu 4:11

Duuna ide-ide, bara handa paandeki, bara handa paenungki, bara handa hampiki. Rapopeahi-ahi liliungkai. Bara ara paidaangki au maroa.

Roma 8:17

Mewali, ane napoanamoke Pue Ala, taisa kaina molambita pewati au napasilolongami Pue Ala i anaNahe. Pewati iti tahumba hihimbela hai Kerisitu. Ane mantodihake himbela hai Kerisitu, i alo pebotusi ina molambi worike katuwo mahile hihimbela hai Ia.

Yohane 13:1

Hangalo hangko damani hawe Alo Posusa Pasa, naisami Yesu kaina hawenami tempoNa mopalehi dunia hai mesule i UmaNa. Ia mampokaahihe ope-ope tauna au meula Iria, hai batena Napokaahihe duuna i kahopoana.

2 Tesalonika 2:16

Pue Ala motudungiake ahiNa, hai mopakaroho lalunta hawe i hae-haena, hai Naweike peharunga au maroa anti kabulana laluNa. Ido hai mekakaengkai i Amputa Yesu Kerisitu hai Pue Ala Umanta bona Napakaroho hai Napatetida lalumi bona maroa ope-ope lolitami hai babehiami.

Suro 14:22

I ope-ope boea au rapolumaongi, Paulu hai Baranaba mohuweki hai mopakaroho lalunda tauna au mepoinalai i Yesu bona tetida pepoinalainda, rauliangaahe, “Ikita hangangaa molambi ngkaia pakana kapari hangko damanike mesua i lalu poparentana Pue Ala.”

Pampetudungia 1:5

hai hangko i Yesu Kerisitu, Sabi au manoto. Iami au nguru-nguruna tuwo hule hangko i kapate hai au makuasa moparenta ope-ope datu i dunia. Yesu mampokakaiake, hai Ia mokira wataNa rapapate bona tekabahake hangko i huku dosanta,

Roma 2:9

Ope-ope tauna au mobabehi dake, batenda mantodiha hai molambi kapari i alo pebotusi, mepongka hangko i to Yahudi hawe i tauna au barahe to Yahudi.

Roma 8:37

Agaiana kehapiri ba apa au morumpake, batena menangi liliuke, anti pepokakaiana Yesu irikita!

1 Korintu 4:12

Mobago mantimingkai haduduangki. Ane arahe au motunda-tundangkai, kihurungihe hai pewati. Ane arahe au mampopeahi-ahingkai, kitodiha pea.

2 Korintu 4:8

Iumba pea kalaoangki, narumpangkai ngkaia kapari, agaiana barangkai manawo. Wulingkai, agaiana bara ope peharungangki i Pue Ala.

2 Korintu 4:9

Rapopeahi-ahingkai, agaiana barangkai napalehi Pue. Rawombe-wombengkai alangki madungka, agaiana barangkai mate.

2 Korintu 12:10

Mewali, kupokatana mpuu ane maledena, hai matanana ane rakakabosaina ba rapopeahi-ahina, ba molambina kasusa hai kapari anti peulangku i Kerisitu. Lawi ane maledena, ina marohona anti kanatulungingku Pue.