Roma 8:33 - Sura Malelaha

³³ Hai ikita au napileimoke Pue Ala, hema mani au peisa mosalaike, lawi Pue Ala haduduaNa mopakanoto kadanta masala?

Roma 8:33 교차 참조

Roma 8:1

Mewali, ide-ide barapi ara pehuku irikita au mohintuwumoke hai Kerisitu Yesu.

Lukasi 18:7

Mewali, apa mani Pue Ala au Naunde mohanai pamperapinda taunaNa au meraroa Iria maroa kaindi ba mabaa. Ba nipehangu, hangangaa mahae-hae tapegia, hangko Natulungirike Pue Ala?

1 Tesalonika 1:4

Kiisa halalu, Pue Ala mampokaahikau hai Napileimokau mewali taunaNa.

Matiu 24:24

Lawi ina hawe bosa tauna au mepakanawo au manguli Datu Topehompohe ba nabihe. Ina mobabehihe tanda kuasa hai tanda au metingkarai bona mopakanawohe bosa tauna. Ane peisa, mogalo tauna au napilei Pue Ala, rapakanawo wori.

1 Peturu 1:2

Ikamu, napileikau Pue Ala Umanta lawi nodomi tunggaiaNa hangko i nguru-nguruna. Ia mopileikau, hai anti pobagona Inao Malelaha, mewalimokau kiraNa bona mengkorukau i Yesu Kerisitu hai Napamalelahakau hai waheNa. Kuharunga Pue Ala ina moweikau ngkaia pewati hai roa ngkatuwo.

Roma 3:26

Agaiana ane Pue Ala bara mohuku manusia au madosa, lempona Ia bara manoto. Mewali i kapatena Yesu, Pue Ala mampetudungia kamanotoNa, lawi dosa manusia nahurumi Yesu. Ido hai taisa kamanotona Pue Ala hai taisa wori Pue Ala ina moimba manoto ope-ope tauna au mepoinalai i Yesu.

Galatia 3:8

Mepongka hangkoia arami tunggaiana Pue Ala mopamanoto tauna au barahe to Yahudi ane mepoinalaihe. Ido hai i lalu Sura Malelaha, Pue Ala nguru-nguruna mopahawe Ngkora Marasa i Burahima, nauli, “Anti kaoiona, ina Kuwatihe ope-ope tauna i dunia.”

Titu 1:1

Sura ide hangko iriko, Paulu, hawina Pue Ala hai surona Yesu Kerisitu. Naangkana Pue Ala mewali suroNa, hai Natuduna mopakaroho pepoinalainda tauna au Napilei. Natudu worina mopaguruahe paturo au tou, lawi ane tapeulai paturo au tou iti, ina mengkoruke i Pue Ala.