Roma 8:21 - Sura Malelaha

²¹ Nauri nodo, ara mani peharungana dunia ide, lawi i hambela tempo, Pue Ala ina mokabaha dunia ide hangko i dake duuna barapi ara kapari, haki hai kapate. I tempo iti, dunia ide ina molambi katuwo mahile hihimbela hai ikita, ananake Pue Ala.

Roma 8:21 교차 참조

Suro 3:21

Ide-ide, Yesu maida i suruga, hai batena ara liliu indora duuna hawe tempona Pue Ala mopawou hinangkana, nodo au rapahawe nabiNa au malelaha hangkoia.

Pampetudungia 21:1

Roo indo, kuitami langi hai tampo au wou. Lawi langi hai tampo au nguru-nguruna, hai tahi barapi ara.

2 Peturu 3:13

Agaiana ikita mampegiake apa au nadandimi Pue Ala, iami langi hai dunia au wou, au rapaidai tauna au manoto.

Roma 8:19

I tempo ide, hinangkana ihi dunia au napopewali Pue Ala tanganda mampegia tempona Pue Ala mopatongawa peawana tuwonda anaNahe.

Roma 8:30

Mewali ikita au Napileimoke Pue Ala hangko i nguru-nguruna, Nakakioke bona mewalike anaNa. Hai ikita au Nakakioke mewali anaNa, Napakanotomoke i peitaNa. Hai au Napakanotomoke i peitaNa, Naweike katuwo mahile i alo au ina mai.

1 Korintu 15:42

Nodo wori karapatuwo hulenda tomate. Watanta au ratawu iami wata au malede hai peisa magoro, agaiana ina rapopearo huleke hai wata au barapi peisa magoro.

Ibarani 12:27

NgkoraNa au manguli “hambela mani”, lempona Pue Ala ina mampopoenggo hai mogero dunia au Napopewali ide, lawi dunia ide bara mantaha hawe i hae-haena. Mewali, i alo au ina mai, Pue Ala ina mogero hinangkana bona apa au bara peisa moenggo, iti pearai au tetida.