Roma 8:14 - Sura Malelaha

¹⁴ Hema-hema au nanini Inaona Pue Ala, ihirami anana Pue Ala.

Roma 8:14 교차 참조

Galatia 5:18

Mewali, ane naninimoke Inao Malelaha, barapoke tetaka i Aturana Musa.

Yohane 1:12

Agaiana hema-hema au modoko hai mepoinalai Iria, ihirami au Napopewalihe anana Pue Ala.

Galatia 3:26

Mewali, Napoanamoke Pue Ala ope-ope anti pepoinalainta i Kerisitu Yesu.

Galatia 5:16

Tunggaiaku node: hangangaa naninike Inao Malelaha bona datike mampeulai peundeana lalunta au kadake.

Pampetudungia 21:7

Hema au monangi Datu Tokadake, molambihe ope-ope iti. Ina mewaliNa Pue au rapenombai, hai ihira ina mewali anaNgku.

1 Yohane 3:1

Anti kamahilena ahina Pue Ala Umanta irikita, ido hai Naimbamoke anaNa, hai ikita tou-tou anaNa mpuuke Pue Ala. Agaiana tauna au bara mepoinalai i Yesu, bara raisa kaikitana anana Pue Ala, lawi bara worihe moisa Pue Ala.

2 Korintu 6:18

“Iko nipouma, hai ikamu, Kupoana.” Nodomi pangulina Pue Ala Au Makuasa.

Galatia 4:6

Mewali, anti kanapoananta Pue Ala, Ia motudumi Inaona AnaNa maida i lalunta. Anti pobagona Inao Malelaha iti i lalunta, ido hai peisake mokakio Pue Ala, “Uma!”

Roma 8:5

Hema au moula peundeana lalunda au kadake, mopaioru liliuhe au kadake. Agaiana hema au moula peundeana Inao Malelaha, peundeana Inao Malelaha iti au rapaioru.

Roma 8:9

Agaiana ikamu halalu, barapokau moula peundeana lalumi au kadake. Moulamokau peundeana Inao Malelaha, ane Inaona Pue Ala iti maida i lalumi. Ane tauna au bara ara Inaona Kerisitu i lalunda, barahe to Sarani.

Epesu 5:9

Lawi hangko i kamabaana lalumi, mesupa ope-ope babehia au maroa, au tou hai au manoto.

Roma 8:19

I tempo ide, hinangkana ihi dunia au napopewali Pue Ala tanganda mampegia tempona Pue Ala mopatongawa peawana tuwonda anaNahe.

Roma 9:8

Lempona bara ope-ope pemuleana Burahima au mewali anana Pue Ala, batena pea au rapoanaka moula dandina Pue Ala.

Epesu 1:5

Anti kamaahina laluNa irikita, Napakanoto amimi kaNaangkata mewali anaNa. Naangkamoke mewali anaNa anti kanahoremanta Yesu Kerisitu, lawi itimi au Natunggai hai au Napokatana.

Roma 9:26

“Hangkoia Pue Ala mouliangaahe tauna au ara i hambua tampo: ‘Barakau kiraNgku.’ Agaiana hambela tempo, Pue Ala au tuwo ina mouliangaahe, ‘AnaNgkumokau!’ ”

Matiu 5:9

Morasihe tauna au moanti pohintuwu i hangka ranganda, lawi ihirami au ina rauli anana Pue Ala.

Galatia 4:5

Pue Ala motudu AnaNa mai i dunia bona mokabahake hangko i Aturana Musa hai peisake mewali anaNa.

1 Yohane 3:24

Tauna au moula hawana Pue Ala, mohintuwu liliuhe hai Ia, hai Ia mohintuwu hai ihira. Iti taisa, lawi Pue Ala mokiraiamoke InaoNa.