Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.
Agaiana ide-ide kuuliangaakau: hema au rumpu i halaluna hampepepoinalai, ina rabotusi i kara-karana. Hema au motunda-tunda halaluna, ina raanti i Topeparesa Mahile. Hai hema au mampotontulia hampepepoinalaina, hintoto mpuu ratende i lalu api naraka.
Hangko inditi, lao mpuumi Yesu hihimbela hai ihira. Hungkumi Yesu i souna tadulako iti, tadulako iti motudu bahangkia rangana lao mampohidupaa Yesu bona rauliangaa, “Tua, baraKo paraluu mai i soungku, lawi barana hintoto Nusondaki.
Tingkarami Simo Peturu hai ope-ope tauna au hihimbela hai ia moita kangkaiana ikane au ara i lalu dalanda. Ido hai molingkudumi Peturu i lindona Yesu, nauli, “Pue, ineena Nuhungkuki lawi ide iko tomadosana.”
Bara mpuu woia nabuku mobaiari indana. Mewali, nahawakami datu, nauli: ‘Pobalu peami hawi iti hai anana hai towawinena hai ope-ope anu-anuna bona tebaiari indana.’
Yesu mampembalilingi Peturu, hai Nauliangaa, “Peloho Datu Tokadake! Ba nupeinao mohombokiNa bona datiNa mampeulai peundeana UmaNgku? Pekirimu iti pekiri manusia, bara pekirina Pue Ala.”
Lawi Ngkorana Pue Ala iami lolita au tuwo hai au makuasa. Meliu kamataruna hangko i piho au momata mpotimali. Piho peisa mebelai hawe i leho-leho buu hai ati buu. Nodo wori NgkoraNa Pue Ala metohu hawe i lalunta. Ngkora iti napake Pue Ala moparesa pekirinta hai tunggaiana lalunta.
Mewali, node: ikita to Yahudi, bara meliu kamaroanta hangko i tauna ntanina. Lawi nodo au kuuli inona, ope-ope tauna batena masala, lawi ikita ope-ope madosamoke, maroa to Yahudi maroa tauna ntanina.
Taisa halalu, katuwonta au hangkoia rapapatemi hihimbela hai Kerisitu i kau mombehape bona dosa barapi makuasa i lalu katuwonta hai barapoke napohawi dosa.
