Roma 7:11 - Sura Malelaha

¹¹ Agaiana i pohadingku Aturana Musa, tepakami dosa mokale i lalungku. Mewali anti atura iti, napakanawona dosa, alana hintotona rahuku mate hai ragaakina hangko i Pue Ala.

Roma 7:11 교차 참조

Roma 7:8

Agaiana i kamohadingku parenta au teuki i Aturana Musa, tepakami dosa mokale i lalungku, alana mentumbu i lalungku mampokaelu hinangka anu-anuna rangangku. Ane rapana bara ara Aturana Musa au mopakanoto apa au rauli dosa, dosa iti kebara makuasa mopakanawona.

Ibarani 3:13

Agina mombepakaroho mpolalukau alo-alona, datikau ara au rapakanawo duuna matua lalumi. Mombepakaroho mpolalukau liami mani tuwo i tempo au rahanga “alo ide,” lempona ara mani katepakami.

Yakobu 1:26

Ane ara hadua tauna au manguli ia mosarani mpuu agaiana bara naisa mokampai pohumena bona maroa polololitana, mopakanawomi watana haduduana. Posaranina iti bara mobundu.

Yakobu 1:22

Mewali, ane mohadikau Ngkorana Pue, hangangaa nipeulai. Inee nipehadingi mbero pea. Lawi ane nodo, mopakanawomokau watami haduduami.

Roma 7:13

Ba Aturana Musa au maroa iti au mogaakina hangko i Pue Ala? Bara. Agaiana Aturana Musa iti mewali rara au mogaakina hangko i Pue Ala anti dosangku. Hangko i atura au maroa iti, tongawami kamadosangku, hai manoto worimi kakadakengku.

Epesu 4:22

hangangaa nitendemi babehiami au hangkoia hangko damanikau mepoinalai i Pue. Ope-ope peundeana lalumi au nipeulai i tempo iti mopakanawokau hai mopakarugi katuwomi.

Roma 3:20

Bara ara hadua au manoto i peitana Pue Ala i pampeulaina Aturana Musa. Lawi hangko i atura itimi, taisa kamadosanta.