Roma 6:18 - Sura Malelaha

¹⁸ Mewali, tekabahamokau hangko i kanapohawimi dosa, hai mewalimokau hawina Pue Ala au moula peundeaNa.

Roma 6:18 교차 참조

Roma 6:22

Agaiana ide-ide, tekabahamokau hangko i kuasa dosa hai mewalimokau taunana Pue Ala. Itimi au moanti rasi irikamu, alana malelaha tuwomi, hai kahopoana molambikau katuwo maroa hawe i hae-haena.

Galatia 5:1

Kerisitu mokabahamoke hangko i Aturana Musa bona tou-tou mpuu tekabahake. Ido hai hangangaa tapatetida lalunta. Ineeke rapohawi hule.

Roma 8:2

Lawi anti pohintuwuta hai Kerisitu Yesu, Inao Malelaha moweike katuwo au wou hai mokabahake hangko i kuasa dosa au mopaara kapate.

Yohane 8:32

hai ane topeulaNgku mpuumokau, ina niisa mpuu paturo au tou, alana tekabahakau hangko i karapohawimi.”

Roma 6:7

Lawi ikita, himbelake hai tauna au matemi, au tekabahami hangko i dosa.

Roma 6:14

Ikita, barapoke nakuasai dosa, bara anti pampeulainta Aturana Musa, agaiana anti pampeulainta kabulana laluna Pue Ala.

1 Peturu 2:16

Katouana, ikita to Sarani, barapoke napohawi dosa. Lempona, barapoke mampeulai peundeana lalunta au kadake, lawi Nakabahamoke Pue Ala hangko i kuasa dosa. Agaiana, katekabahanta iti inee niporara mobabehi dake. Agina moulamokau peundeana Pue Ala, lawi hawiNa mpuumokau.

Yohane 8:36

Mewali, ane Kukabahakau hangko i dosami, tekabaha mpuumokau, lawi Iko, AnanaNa Pue Ala.

Lukasi 4:18

“Inaona Pue Ala mendaulu Iriko, lawi Ikomi au Napakanoto mobambari Ngkora Marasa i tauna au meahi-ahi tuwonda. NatuduNa mopahawe i toratawani kaina rakabahanda, hai mouliangaahe tobilo kaina meitanda. NatuduNa mokabahahe au rapohawi,