Roma 3:9 - Sura Malelaha

⁹ Mewali, node: ikita to Yahudi, bara meliu kamaroanta hangko i tauna ntanina. Lawi nodo au kuuli inona, ope-ope tauna batena masala, lawi ikita ope-ope madosamoke, maroa to Yahudi maroa tauna ntanina.

Roma 3:9 교차 참조

Galatia 3:22

Agaiana i lalu Sura Malelaha, tepakanoto humalele dunia tetakai hai dosa. Mewali, bara ara rara ntani au mopamanotoke i peitaNa, batena pea pepoinalainta i Yesu Kerisitu. Katuwo maroa au nadandi Pue Ala, batena Nawei i hema pea au mepoinalai i Yesu Kerisitu.

Roma 6:15

Mewali noumba halalu! Ane nahoremamoke Pue Ala bara anti pampeulainta Aturana Musa, agaiana anti kabulana pea laluna Pue Ala, ba peisamoke mobabehi dosa? Inee nodo halalu.

Roma 11:32

Lawi Pue Ala mopalikangaamohe ope-ope tauna madosa hai mesapuaka bona ara raraNa mopatongawa ahiNa i ope-ope tauna.

Roma 3:19

Hangko i Aturana Musa, taisa kadana ara tauna au manoto. Hai taisa ope-ope i Aturana Musa, mokanaihe to Yahudi au rawei atura iti. Mewali, bara ara hadua tauna au peisa mampololita kamanotona. Ope-ope tauna masalamohe i peitana Pue Ala.

Pilipi 1:18

Agaiana nauri nodo, bara kupailalu. Lawi kehapiri maroa ba bara maroa tunggaianda, bambari kana i Kerisitu rapahawemi. Iti au kupokatana. Hai batena matana liliuna,

Galatia 3:10

I lalu Sura Malelaha hangkoia teuki node: “Hema-hema au bara mampeulai hinangka parenta au teuki i lalu Aturana Musa, batenda napaharara Pue Ala.” Mewali, halalu, taisa: ane ara tauna au napeinao mopamanoto watana i peitana Pue Ala anti pampeulaina Aturana Musa, batena ina harara i lindona Pue Ala. Lawi hema pae au peisa mampeulai ope-ope hai au bara ara kamasalana?

1 Korintu 14:15

Mewali, apa au maroa kubabehi? Mekakaena i lalu basa au hangko i Inao Malelaha, hai mekakae worina i lalu basa au raisa ranganta. Monanina motoia Pue Ala i lalu basa au hangko i Inao Malelaha, hai monani worina motoia Pue Ala i lalu basa au raisa ranganta.

1 Korintu 10:19

Apa tunggaiaku manguli nodo? Bara kuuli ara pue ntanina hangko i Pue Ala. Hai bara wori kuuli, ara bunduna paande au rapopenomba i anitu. Bara mobundu!

1 Korintu 4:7

Ba niuli maroa lalumi hangko i rangami? Apa pae au ara irikamu au bara nidoko hangko i Pue Ala? Moapari hai mampemahilekau ane ope-ope au ara irikamu au nawei peakau Pue Ala?

Roma 11:7

Mewali taisa, to Isaraeli mampeinaohe manoto i peitana Pue Ala moula raranda haduduanda, agaiana bara rahumba. Arahe bahangkia au molambi kanoto lawi Napileimohe Pue Ala. Au ntanina mengkabatuhe i pekakiona Pue,

Roma 3:5

Mewali, babehiana manusia au bara manoto mopatongawa kamanotona Pue Ala. Agaiana inee tapehangu Pue Ala bara manoto ane Nahukuke anti babehianta au kadake. Arahe manusia au mampehangu nodo,

Roma 1:18

Hangko i suruga Pue Ala mopatongawa karumpuNa i ope-ope tauna au madosa, maroa i pekirinda ba i babehianda au kadake, lawi hinangka babehia kadake ina mohomboki tauna mampeulai paturo au manoto kana i Pue Ala.

Lukasi 7:39

Kanaitana Simo apa au nababehi towawine iti, nauli laluna, “Ane tauna ide tou-tou mpuu hadua nabi, hangangaa Naisa kahemana towawine au motobo, hai hangangaa Naisa wori kadana maroa babehiana.”

Roma 2:1

Ido hai halalu, hema-hema pea bara ara rarana mosalai rangana. Hema au mosalai rangana himbela pea mosalai watana haduduana, lawi apa au nasalaiaa rangana nababehito wori.

Roma 3:1

To Yahudi hai tauna au barahe to Yahudi himbela pea; masalamohe ope-ope i peitana Pue Ala. Agaiana inee tapehangu bara melumbu porasinda to Yahudi hangko i tauna ntanina hai kadana mobundu petile.

Roma 7:14

Taisa mpuu, halalu, Aturana Pue Ala batena maroa lawi hangko i Inao Malelaha. Agaiana ide iko, tomadosana, lawi napohawina dosa.