Roma 2:9 - Sura Malelaha

⁹ Ope-ope tauna au mobabehi dake, batenda mantodiha hai molambi kapari i alo pebotusi, mepongka hangko i to Yahudi hawe i tauna au barahe to Yahudi.

Roma 2:9 교차 참조

1 Peturu 4:17

Hawemi tempona Pue Ala ina mobotusi kara-karanda ope-ope tauna. Hai ikita au Napoana, batena ioru Nabotusi kara-karanta. Mewali ane kara-karanta au ioru Nabotusi, manoto ina melumbu pehukuNa i tauna au barahe mepoinalai i Ngkora Marasa au hangko Iria.

Roma 1:16

Barana maea mopahawe Ngkora Marasa. Lawi hema pea au mampoinalai Ngkora Marasa iti, kuasana Pue Ala mohoremahe hangko i huku dosanda, nguru-nguruna i to Yahudi, hawe-hawe wori i tauna au barahe to Yahudi.

2 Tesalonika 1:6

Pue Ala mobabehi apa au manoto hai batena mohurungi babehianda tauna au mampopeahi-ahikau.

Roma 9:24

Ikita idemi au Napilei molambi pewati iti, hai bara pea to Yahudi, agaiana ara wori au bara to Yahudi.

Roma 2:10

Agaiana tauna au mobabehi roa ina molambihe petoia, pebila hai roa ngkatuwo, mepongka i to Yahudi hawe i tauna au barahe to Yahudi.

Suro 3:26

Ido hai Pue Ala mopatuwo hule Yesu AnaNa. Nguru-nguruna Yesu Natudu mai irikita to Yahudi bona Nawatike hai Naninike mampenosoi hinangkana babehianta au kadake.”

Lukasi 24:47

Ope-ope tauna hangangaa menoso hangko i dosanda, bona naampungihe Pue Ala, anti kanapahurunda Datu Topehompo. Bambari iti hangangaa rapahawe i humalele dunia, mepongka i Yerusale.

Kolose 3:11

Mewali, anti kaNapopewalintami manusia au wou, barapi ara pontaniana to Yahudi hai au barahe to Yahudi, lawi i peitana Pue Ala, tauna au ratile hai au bara ratile himbela pea. Ia bara mampopontani tauna au mosikola hai au bara mosikola, tuana ba hawi. Kerisitu iami au tepaioru. Ia au tuwo i lalunta ope-ope.

Galatia 3:28

Pue Ala bara mampopontani tauna maroa to Yahudi ba bara to Yahudi, maroa hawi ba au bara hawi, maroa tobalilo ba towawine; i peitana Pue Ala himbela haha peake anti pohintuwuta hai Kerisitu Yesu.

Roma 10:12

Ngkora iti batena kanahe ope-ope tauna, lawi bara ara posisalana to Yahudi hai tauna ntanina. Hadua pea Ampunda ope-ope tauna iami Pue Ala, hai mahile ahiNa i ope-ope tauna au meraroa Iria.

Suro 28:28

Roo indo, nauli mbuli Paulu irihira, “Halalu bona niisa, ara Ngkora Marasa au mopakanoto rarana Pue Ala mohorema tauna hangko i huku dosanda. Ngkora Marasa iti rapahaweamohe tauna au bara to Yahudi. Ihirami au ina modoko bambari iti!”

Suro 28:17

Liumi talu alona, Paulu mokakio totosaenda to Yahudi bona mai rapohidupaa. Kahawenda, mololitami Paulu irihira nauli, “Halalu-halalu, barato wongkoia masala i hangka to Yahudinta hai bara worina moliungi adanda toiorunta. Agaiana nauri nodo, batengku rahaka i Yerusale hai rahuhuna i topoparenta to Roma.

Suro 26:20

Ido hai kupahawe i ope-ope tauna, hangangaa mampenosoihe dosanda hai mengkoruhe i Pue Ala, hai hangangaa mobabehihe apa au maroa bona tongawa penosonda. Nguru-nguruna bambari iti kupahawe i wanua Damsik, roo indo i Yerusale hai i humalele tampo Yudea, hai i tauna ntanina au barahe to Yahudi.

Suro 20:21

Kupopaingaa liliukau, maroa ikamu to Yahudi maroa ikamu au bara to Yahudi bona menosokau hangko i dosami hai mepoinalaikau i Amputa Pue Yesu.

Suro 13:26

“Halalungku pemuleana Burahima, hai ikamu wori au barakau to Yahudi au menombakau i Pue Ala: irikita rapahawe bambari au mopakanoto rara bona peisake tekabaha hangko i huku dosanta.

Suro 11:18

Karahadina lolitana, barapohe mosalai Peturu. Hai motoiamohe Pue Ala, rauli, “Ide-ide tongawami irikami, Pue Ala modoko worihe tauna au barahe to Yahudi, hai Naweihe katepaka menoso hangko i dosanda duunda molambi katuwo maroa au bara mokahopoa.”

Matiu 16:26

Apa bunduna morampu ope-ope peawa i dunia, ane barake molambi katuwo maroa i alo pebotusi. Lawi bara ara au peisa taintolohia katuwo maroa iti.

Roma 8:35

Apa pae au peisa mogaakike hangko i ahina Kerisitu? Kehapirike narumpa kasusa, ba kapari, pepopeahi-ahi, rimi, peahi-ahi, pepopalanga, ba pepapate, bara ina tekabaha ahina Kerisitu irikita.