Roma 2:25 - Sura Malelaha

²⁵ Ikita to Yahudi, tauli karatilenta ara pobunduana asala mampeulaike Aturana Musa. Agaiana ane taliungi Aturana Musa, karatilenta iti barapi mobundu.

Roma 2:25 교차 참조

Galatia 6:15

Ratile ba bara, iti bara paraluu. Au paraluu iami katuwo au wou hangko i Pue Ala.

Suro 7:51

“Halalu-halalu! Rumihi mpuu pengkabatumi hai pembongomi! Mengkantulikau mampehadingi lolitana Pue Ala! Himbelakau hai toiorunta hangkoia, lawi mosapuaka liliukau Inao Malelaha.

Roma 2:28

To Yahudi ratilehe moula Aturana Musa, agaiana karatilenda iti iami ada au rabababehi pea i watanda hai raita pea i raoa. Bara iti au mampopewalihe taunana Pue Ala.

Roma 2:23

Mampemahilekau lawi arami irikamu Aturana Pue Ala au napahawe Musa hangkoia. Agaiana apami pobunduana atura iti ane barakau moadai Pue Ala lawi bara nipeulai aturaNa?

Roma 2:13

anti poliunginda Aturana Musa. Lawi bara tauna au mohadi Aturana Musa, au manoto i peitana Pue Ala, agaiana batenda pea tauna au mampeulai Aturana Musa au Naimba manoto i peitaNa.

Roma 2:26

Tauna au barahe to Yahudi, barahe ratile. Agaiana ane manoto babehianda moula apa au ratuntu i lalu Aturana Musa, batena nadokohe Pue Ala himbela hai tauna au ratile moula Aturana Musa.

Roma 2:27

Kahopoana, babehianda tauna au barahe to Yahudi ina mopatongawa kamasalanta to Yahudi, lawi nauri molambimoke Aturana Musa au teuki, hai ratilemoke moula atura iti, agaiana ikita worimi au moliungi atura iti. Hai tauna au barahe ratile, ihirari au moula Aturana Pue Ala.

1 Korintu 7:19

Lawi i peitana Pue, ane ratile ba barake ratile, himbela pea. Au paraluu ntepuu, tapeulaimi hawana Pue Ala.

Galatia 6:13

Katouana tauna au mampeulai ada mpetile iti, barato worihe mampeulai ope-ope Aturana Musa. Tunggaianda mopari-parikau ratile bona rapomahilehe anti kanipeulaina hawanda iti.