Roma 2:19 - Sura Malelaha

^19-20 Noumbami ane ikamu to Yahudi manguli, “ikita ide tauna au mapande. Taisa monini tauna au bara moisa Pue Ala, hai hangangaa mopakanoto tauna au ara manihe i kakaindiana hai bara manihe moisa paturo au tou. Lawi paturo au tou iti teukimi i lalu Aturana Musa au ara irikita to Yahudi.”

Roma 2:19 교차 참조

1 Korintu 4:10

Ikami raimbangkai tontuli lawi mopahawengkai bambari kana i Kerisitu, agaiana niuli ikamu to Sarani au mapandekau! Ikami, maledengkai, agaiana niuli ikamu maroho pepoinalaimi! Ikamu raadaikau tauna i dunia, agaiana ikami, rakakabosaingkai!

Yohane 9:34

Rahanai tadulakonda to Yahudi iti, rauli, “Oio tauna au bukeko dosa hangko i pesupamu peami. Moapari pane baiko mopaturongkai?” Mepongka inditi, rawurami hai barapi rapaliu mesua i sou penombaa.

Matiu 6:23

Agaiana ane wura matami, makaindi wori humalele watami. Ane hulo au ara i watami mewali makaindi, meruu ntepuu kamakaindina.”

Matiu 5:14

Ikamu au meula Iriko, nodokau pewangka au raita ope-ope tauna. Wanua au raaro i wongko bulu bara ina tewuniangi.

Pilipi 2:15

bona tongawa i ope-ope tauna ikamu ananakau Pue Ala, bara ara kamasalami, malelaha tuwomi hai bara ara tunggaiami au kadake. Nodo betue au mewangka mosimbaki kamakaindi, nodo worikau ikamu au maida i olonda tauna au motengko babehianda hai au kadake lalunda,

1 Korintu 3:18

Ineekau mopakanawo watami haduduami. Ane ara hadua tauna i olomi au mengkamapande i lindo manusia, agina tauna iti mewali nodo tontuli i lindo manusia bona ia mewali mapande i lindona Pue Ala.

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”

Lukasi 1:79

Lawi nodo alo mosimbaki dunia au makaindi ide, nodo wori Pue mowangkahi tauna au tuwo i lalu kamakaindi hai au mampokalanga kapate. Ia ina moninike bona molambike roa ngkatuwo.”

Markus 10:15

Tou lolitaNgku ide: ane barakau mengkoru i Pue Ala nodo hadua anangkoi, barakau ina mewali taunaNa i lalu poparentaNa.”

Matiu 4:16

Hangkoia, tauna inditi tuwohe i lalu kamakaindi, hai monontohihe kapate. Agaiana ide-ide, moitamohe pewangka au mahile, lawi mesupami hadua tauna au nodo alo au mowangkahihe.”

Roma 2:18

Ikita to Yahudi, moisake peundeana Pue hai taisa mampopontani apa au maroa hai apa au kadake, lawi rapaturoamoke Aturana Musa.”