Roma 15:5 - Sura Malelaha

⁵ Taperapi Pue Ala mohuweki lalunta hai mopakarohoke bona mantahake i lalu kapari, bona mohintuwukau hadua hai hadua anti peulami i Kerisitu Yesu

Roma 15:5 교차 참조

1 Peturu 3:8

Kahopoana, ikamu hangangaa mohintuwukau, hampepekirikau, hai mombepokaahikau nodo topohalalu. Hangangaa maahikau hai mengkaiwoikau.

Roma 12:16

Mohintuwukau hai rangami. Ineekau mampemahile, agina nipogaloahe tauna au i woi katuwonda. Hai inee nipekiri kapandemi melumbu hangko i rangami.

Epesu 5:2

I babehianta alo-alona, hangangaa maahike i ranganta, nodo Kerisitu maahimi Irikita. Anti kamaahiNa irikita, Ia mokira wataNa rapapate mopahuruke. Babehia iti mopakatana laluna Pue Ala, nodo popenomba mawongi au rahuhu Iria.

2 Korintu 13:11

Kahopoana halalu, hangangaa matana-tanakau. Nipakaroho peulami i Pue! Nipeulai paturongku! Hangangaa hampepekirikau hai tuwo mohintuwukau. Pue Ala ina mamporangaikau, mampopaitaakau ahiNa, hai moweikau roa ngkatuwo.

Roma 15:13

Taperapi Pue Ala, peharunganta, moweikau katana hai roa ngkatuwo i lalu pepoinalaimi i Pue Yesu, bona kamaroho-rohoa peharungami Iria anti kuasana Inao Malelaha.

1 Korintu 1:10

Halalu, hangko i kuasa au naweina Amputa Yesu Kerisitu, kuperapi bona mohintuwukau ope-ope. Ineekau mopaara posisala. Hangangaa mohintuwukau hai hampepekirikau.

Pilipi 4:2

Halalungku Euodia hai Sintike! Kuperapi bona hintuwukau nodo au hintoto i tauna au mepoinalai i Pue.

Pilipi 2:2

Ido hai kuperapi bona nipamatana mpuu lalungku: hangangaa mohintuwukau hadua hai hadua, mombepokaahi mpuukau, nipahangau-ngau lalumi, hai nipahimbela tunggaiami.

Pilipi 1:27

Mewali, au paraluu irikamu iami babehiami hangangaa hintoto hai poulami Ngkora Marasa au hangko i Kerisitu. Hangangaa nibabehi nodo bona ane kupohidupaa manikau ba barapi, ina kuisa kamarohona pepoinalaimi hai kamarohona pohintuwumi i lalu pobagomi mobambari Ngkora Marasa.

2 Peturu 3:15

Hangangaa takatuinao apa tunggaiana kasabarana Pue. Ope-ope tauna naweihe Pue Ala katepaka bona tehoremahe. Paturo ide naukia worikau hadua halalunta au tapokaahi, iami Paulu. Hai apa au nauki Paulu i lalu surana moula kanoto lalu au nakiraia Pue.

Pilipi 3:16

Ide paraluu ntepuu: hangangaa tuwoke moula apa au taisami hawe ide-ide.

Suro 4:32

Ope-ope tauna au mepoinalai i Yesu, mohintuwu hai hampepekirihe. Bara ara hadua au manguli, “Ide, iko ampuna,” agaiana ope-ope au ara irihira rapoanu sambela.

Roma 15:3

Lawi Kerisitu bara wori mohaoki kamatanaNa haduduaNa. Anti peulaNa i Pue Ala, Ia molambi ngkaia kapari. I lalu Sura Malelaha hangkoia ara lolita au mampololita kana i watana Pue Yesu au manguli, “Ope-ope lolita au mopapakoi Pue Ala, mokanai worina.”

1 Peturu 3:20

Ihira iti ratarunggu anti pesapuakanda i Pue Ala hangkoia i tempona mani Noho tuwo. Tongawami kasabarana Pue Ala, lawi Ia mampegia katebalikina lalunda tangana Noho mobabehi duanga mahile. Agaiana kahopoana, Pue Ala molaboa dunia hai owai. Ualu peahe tauna au mesua i lalu duanga mahile hai au Nahorema hangko i kapate.

2 Korintu 7:6

Agaiana Pue Ala au mopalindo tauna au masusa lalunda, mopalindowomongkai i kahawena Titu.