Roma 15:27 - Sura Malelaha

²⁷ Iti rababehi mentumbu hangko i kamatanana lalunda. Hai hintoto mpuu ane tauna au barahe to Yahudi mokira-kiraahe to Yahudi anu-anu dunia, lawi hangko i to Yahudi iti, tauna au bara to Yahudi molambihe bakuna tanoananda.

Roma 15:27 교차 참조

1 Korintu 9:11

Ikami ide motudamongkai Ngkorana Pue i lalu katuwomi. Katouana, hintoto mpuu ane molambingkai paandeki hangko irikamu.

Galatia 6:6

Tauna au modoko paturo kana Ngkorana Pue Ala, hangangaa mampokiraia tauna au mepaturo, hangko i apa pea rasi ba pewati au nahumba.

Pilemo 1:19

hai au teuki ide, iko haduduangku au mouki: iko Paulu ina mobaiari ope-ope indana. (Barako paraluu kupopaingaa kaikona au mopahaweako Ngkora Marasa. Mewali, anti kamolambimu katuwo maroa, moinda woriko iriko.)

Roma 11:17

To Yahudi peisahe rapandiri nodo hangkau kau saitun au rakadipura. Daana au hantanga rahapeki, hai i pohapekiana iti, Pue Ala mampopentaka daa kau saitun au bara tekadipura bona katuwona daa iti marudu hangko i uaka kau au rakadipura. Daa au Napopentaka iti, iami ikamu au barakau to Yahudi.

Matiu 6:12

Nuampungi wongkamia hangko i kamasalangki, nodo ikami moampungi woringkai rangangki au masala irikami.

Roma 7:14

Taisa mpuu, halalu, Aturana Pue Ala batena maroa lawi hangko i Inao Malelaha. Agaiana ide iko, tomadosana, lawi napohawina dosa.