Roma 15:19 - Sura Malelaha

¹⁹ hai anti tanda-tanda kuasa au kubabehi hai kuasana Inao Malelaha. Hangko i wanua Yerusale hawe i tampo Ilirikum, kupahawemi Ngkora Marasa i ope-ope tauna, kupaturoahe kahemana Kerisitu.

Roma 15:19 교차 참조

Matiu 12:28

MampopelohoNa seta mopake kuasana Inaona Pue Ala. Itimi au mopakanoto kahawenami poparentana Pue Ala i olomi.

Yohane 4:48

Nauli Yesu i tauna iti, “Ikamu au maida i tampo ide, ane kebarakau moita tanda kuasa, barakau ina mepoinalai!”

Suro 1:8

Agaiana ina nilambi kuasa ane mendaulu mai Inao Malelaha irikamu. Hai ikamu, ina mewalikau sabiNgku i Yerusale, i humalele tampo Yudea hai Samaria, hawe-hawe i humalele dunia.”

Suro 13:14

Hangko i Perga, mopaliliuhe polumaonda hawe i wanua Antiokia i tampo Pisidia. I alo Penombaanda to Yahudi, laomohe mohuda i sou penombaa.

Suro 13:51

Mewali, Paulu hai Baranaba motarontamohe awu au ara i bitinda, tanda kadanapi ihira au mohuru ane Pue Ala mohukuhe ampu boea iti. Hai roo indo, laomohe i wanua Ikonium.

Suro 14:10

Mewali, mololitami Paulu masisimbuku iria, nauli, “Meangkamoko!” Liliu topalu iti mesende meangka pane molumaomi.

Suro 14:20

Agaiana tanganda to Sarani i wanua Listra meangka motoleliki Paulu, unga pea Paulu mearo, hai liliu mesua i lalu wanua. Kahalona, laomohe Paulu hai Baranaba i wanua Derbe.

Suro 14:25

Hangko inditi, mobambarimohe Ngkorana Pue Ala i wanua Perga, hai mempanauluhe lao i wiwi ntahi hawe i wanua Atalia.

Suro 14:6

Agaiana raisari Paulu hai Baranaba tunggaianda. Ido hai melangkahe lao i wanua Listra hai i wanua Derbe i tampo Likaonia.

Suro 15:12

Mewali ope-ope tauna au teruhu iti mandii-ndii pearaihe mampehadingi lolitanda Baranaba hai Paulu kana i tanda kuasa au rababehi hai kuasana Pue Ala tanganda i boeanda tauna au barahe to Yahudi.

Suro 16:18

I lalu bahangkia alona, nodo liliu pea pololitana, alana malutami Paulu mohadi. Hangko indo, membalilimi Paulu, hai mololita i anitu au mebalasua i towawine iti, nauli, “I lalu hangana Yesu Kerisitu, peloho hangko iria!” Meloho mpuumi anitu iti.

Suro 17:10

I wengi iti, halalu hampepepoinalainda au i Tesalonika mouliangaahe Paulu hai Silas, “Agina manteulimokau hampai lao i Berea.” Mewali, lao mpuumohe. Kahawenda i Berea, Paulu hai Silas lao i sou penombaanda to Yahudi.

Suro 17:15

To sarani iti, mamporangaihe Paulu hawe i wanua Atena. Roo indo, mesulemohe i Berea moanti tewaina Paulu i Silas hai Timotiu bona hoholigahe mekulele.

Suro 18:1

Roo indo, padumi Paulu mopalehi wanua Atena lao i wanua Korintu.

Suro 18:19

I polumaonda iti, mehupehe i wanua Epesu, hai Paulu lao i sou penombaa hai mombepakana i lolita hai to Yahudi au teruhuhe inditi. Tauna iti merapi bona Paulu mahae haodi hihimbela hai ihira, agaiana bara naunde. Nauri nodo, i pelingkana, nauliangaahe, “Ane napokana Pue Ala, ina mesule peana mai inde.” Priskila hai Akwila maida liliuhe i Epesu, agaiana Paulu mopaliliumi polumaona mesawi i kapala tahi lao i tampo Siria.

Suro 19:1

Tangana Apolo i wanua Korintu, Paulu molumaohi boea-boea au i bulu i tampo Galatia hai Frigia, hai roo indo mendaulumi lao i wanua Epesu. Inditi ia mohidupa hai bahangkia topepoinalai.

Suro 20:20

Niisa halalu kadangku langa mopahaweakau hinangkana au mobundu i lalu katuwomi. Kupaturokau halalu, maroa i tempomi teruhu node, maroa i soumi.

Suro 20:6

Liumi alo mahilenda to Yahudi au rahanga Posusa Roti au Bara Raragii, mesawi mbulimongkai i kapala tahi mopalehi wanua Pilipi. Hopomi lima alona, mohidupa hulengkai hai rangangki i wanua Troas, hai inditi maidangkai haminggu kamahaena.

Roma 15:13

Taperapi Pue Ala, peharunganta, moweikau katana hai roa ngkatuwo i lalu pepoinalaimi i Pue Yesu, bona kamaroho-rohoa peharungami Iria anti kuasana Inao Malelaha.

Roma 15:16

Naangkana mewali topobagona Kerisitu Yesu, hai Naposurona i tauna au barahe to Yahudi. Bagongku ide peisa rapandiri nodo pobagona tadulako mpenomba, lawi mopahawena Ngkora Marasa. Hai ihira au barahe to Yahudi au mepoinalai i Pue Yesu, kuimbahe nodo popenombaku i Pue Ala. Hai popenombaku iti, batena nadoko Pue Ala, lawi Inao Malelaha mopamalelahahe hai mampopewalihe kirana Pue Ala.

1 Korintu 2:4

Bambari au kupahaweakau, bara kupahawe hangko i kamapandeku sadudua. Bara kamapandeku mololita au mopakanotoakau katouna bambari iti. Agaiana kuasanari Inao Malelaha, ido hai pane niisa katouna bambari au kuanti.

2 Korintu 12:12

Tangangku hihimbela hai ikamu, mobabehina tanda-tanda au mopatongawa kaikona surona Pue Yesu. Mobago liliuna i lalu kapari, mobabehina tanda kuasa hai tanda au metingkarai, anti karoho au kuhumba hangko i Pue Ala.

Galatia 3:5

Naweimokau Pue Ala Inao Malelaha hai mobabehimi tanda kuasa i olomi. Ba Nababehi nodo anti peulami i Aturana Musa? Bara. Nababehi nodo, lawi mohadimokau Ngkora Marasa hai mampoinalaimokau Pue Yesu.

Kolose 1:25

Naangkana Pue Ala mewali hawiNa au motulungi ope-ope tauna au mepoinalai bona mopahawena ope-ope NgkoraNa irikamu.

1 Tesalonika 1:5

Kiisa iti, lawi i tempoki mopahawe Ngkora Marasa irikamu bara pea lolitangki haduduangki, agaiana Inao Malelaha au moweingkai kuasa mololita. Hai kipoinalai mpuu katouna Ngkora Marasa iti. Niisa noumba babehiangki i tempoki mani hihimbela hai ikamu. Babehiangki mopakanoto irikamu katouna bambari au kianti.

2 Timotiu 4:17

Nauri bara ara rangangku au mamporangaina, agaiana naporangai liliuna Pue. Naweina karoho mopahopo bagongku mopahawe Ngkora Marasa bona ope-ope tauna au barahe to Yahudi peisahe mohadi bambari iti. Kahopoana, tekabahana hangko i kapate.

Ibarani 2:4

Hai Pue Ala mopakaroho ntepuu posabinda, lawi Naweihe kuasa mobabehi ngkaia pakana tanda kuasa hai tanda au metingkarai. Hai Nawei worihe kapande au montani-ntani hangko i Inao Malelaha moula peundeaNa.

1 Peturu 1:12

Hai Pue Ala mampopaisaahe nabi-nabi hangkoia barahe mopahawe bambari kana i watanda haduduanda. Agaiana ikamuri au ratunggai. Hai ide-ide, apa au rapahawe nabi-nabi hangkoia, rapahawemi i kanoto-notoana irikamu, lawi aramohe tauna au mopahaweakau Ngkora Marasa melempo i kuasana Inao Malelaha au hangko i Pue Ala. Mogalori malaeka, mampeinao worihe moisa kana i katuwo maroa au nihumba iti.