Roma 14:18 - Sura Malelaha

¹⁸ Ane nodo peulanta i Kerisitu, ikita ina napokatana Pue Ala hai rabilake ranganta.

Roma 14:18 교차 참조

2 Korintu 8:21

Ido hai kitudo amimi hema au meula i polumaongki ide bona tongawa kamanotona babehiangki, bara pea i peitana Pue, agaiana i peitanda wori tauna.

1 Peturu 2:20

Ane mantahakau mohalea kapari au nihumba anti kamasalami, apami porasiami? Agaiana ane molambikau kapari anti babehiami au maroa hai mantahakau mohalea kapari iti, batena napokatanakau Pue Ala.

1 Peturu 2:5

bona Napopewalikau nodo watu au tuwo au rapake moaro sou penombaa i Pue Ala. Napopewali worimokau nodo tadulako mpenomba au malelaha. Nodo tadulako mpenomba mohuhu popenombanda i Pue Ala, ikamu wori hangangaa mohuhu katuwomi i Pue Ala. Itimi au mewali popenombami Iria, hai popenombami iti mopamatana laluna Pue Ala anti kanahoremantami Yesu Kerisitu.

2 Korintu 5:11

Mewali, langangkai mobabehi apa pea au bara naunde Pue, lawi kiisa Ia ina moparesa babehianda ope-ope tauna. Ido hai kipari-pari moanti tauna mepoinalai i Pue Yesu. Pue Ala moisa lalungki. Peundeaki halalu bona barapi ara au bata-bata lalumi irikami. Kipeinao bona ope-opekau moisa kabulana lalungki.

1 Peturu 3:16

Hai hangangaa bula lalumi bona ane arahe tauna au mosasalai babehiami au maroa i peitana Kerisitu, ina maeahe.

1 Timotiu 5:4

Agaiana ane tobemba au ara anana ba ampuna, anana hai ampuna iti hangangaa nupaturoahe noumba rara mokadipura tosaenda bona mohurungihe kamaroana tosaenda. Lawi iti au mopamatana laluna Pue Ala.

1 Timotiu 2:3

Itimi au maroa hai au naunde Pue Ala au mohoremake hangko i huku dosanta.

Kolose 3:24

Hai nipailalu lolita ide: Pue ina moweikau saromi moula apa au Nadandimi i ope-ope taunaNa. Kerisitu iami Ampumi, hai ikamu hawiNakau.

Pilipi 4:18

Mewali bona niisa: ope-ope au nipakatu, kulambimi hangko i Epafroditus. Pakatumi iti bara pea handa, agaiana melabitori hangko i apa au kuparaluu. Kabula lalumi iti nodo anu-anu mawongi au nipopenomba i Pue Ala. Popenombami iti Napokana mpuu, hai matana laluNa modoko.

2 Korintu 6:4

I paka-pakana, kibabehi liliu apa au maroa bona tongawa kaikamina topobagona Pue Ala au manoto. Mantahangkai i lalu mampopengaa kasusa hai kapari.

2 Korintu 4:2

Kikaraohi hinangka babehia au mepakaea; bara ara au kiwuwuniangi; barangkai mopakanawo tauna, barangkai mobaliki tunggaiana Ngkorana Pue Ala. Kipahawe pea apa au tou i kanoto-notoana bona ope-ope tauna mopangaku katouna bambari au kianti. Napetirongkai Pue Ala!

1 Korintu 7:22

Hawi tuwonta ba bara, himbela peake i peitana Pue Ala. Lawi hadua hawi au nakakio Pue Ala mewali to Sarani, tekabahami hangko i huku dosana anti pohintuwuna hai Pue. Nodo wori, hadua tauna au bara hawi tuwona au nakakio Pue Ala mepoinalai i Pue Yesu, ina mewali hawina Kerisitu.

Roma 16:18

Lawi tauna au nodo babehianda, barahe mampopolumao bagona Kerisitu Amputa; moula peahe peundeana lalunda. Hai lolita peroasinda au momi, mopakanawohe tauna au bara manihe moisa apa-apa.

Roma 14:4

Hai rangami iti, mobago worihe i Pue. Hemakau pane baikau mosalai hangka rangami au mobago i Pue? Ba maroa pobagonda ba bara, iti popakanotona rai Pue au mewali Amputa. Hai batena ina maroa pobagonda, lawi Pue makuasa mopakanoto raranda.

Roma 12:11

Hangangaa madotakau mobago i Pue, ineekau lohe. Hangangaa nipopolumao bagona Pue hangko i lalumi.

Roma 6:22

Agaiana ide-ide, tekabahamokau hangko i kuasa dosa hai mewalimokau taunana Pue Ala. Itimi au moanti rasi irikamu, alana malelaha tuwomi, hai kahopoana molambikau katuwo maroa hawe i hae-haena.

Suro 10:35

Hema-hema au mengkoru i Pue Ala hai au manoto babehianda, batena nadoko Pue Ala.

Yohane 12:26

Hema au naunde mewali hawiNgku, hangangaa meula Iriko bona iumba kalaoaNgku, inditi wori ia. Hai hema au mewali hawiNgku ina napomahile UmaNgku.”

Markus 13:34

Ane hawe suleNa, pewalina nodo ngkora pandiri ide. Hadua ampu sou motunggai lao i wanua au karao. Hangko damani meangka, mampohawaamohe taunana mokadipura souna, hadua-haduahe nawei bagonda. I topokadipura baba, nauliangaa: ‘Mainga-ingako!’

2 Korintu 5:9

Mewali tapeinao mobabehi apa au maroa, au mopakatana laluna Pue, i tempota mani tuwo i dunia ide ba i tempona hihimbelamoke hai Pue.

Pilipi 4:8

Kahopoana halalu, kuperapi bona nipailalu liliu hinangkana au maroa hai au hintoto ratoia. Apa au tou, apa au hintoto rabila, apa au manoto, apa au malelaha, apa au merae, hai apa au teadai, itimi au hangangaa nipailalu.

1 Peturu 2:12

Arahe tauna au bara moisa Pue Ala au mopapakoikau hai mopakadakekau. Ido hai hangangaa nipamaroa-roa babehiami bona kamaroana babehiami ina tongawa irihira. Kahopoana, ina rapangaku kamaroana babehiami, alana motoiahe Pue Ala i alo kahaweNa.