Roma 14:13 - Sura Malelaha

¹³ Ido hai kuuliangaakau: ineeke mombesasalai. Agina maroa-roake dati ara babehianta au mokelo-kelo halalunta hampepepoinalai duuna madosa hai manawo.

Roma 14:13 교차 참조

2 Korintu 6:3

Mobagomongkai maroa-roa dati ara tauna au kipakanawo, bona bara ara tauna au mopapakoi bagongki mobambari Ngkorana Pue Ala.

Yakobu 4:11

Halalu, ineekau mombepakadake. Ane ara hadua tauna au mopakadake rangana ba mopakisala halaluna, lempona mopakadake hai mopakisala wori Aturana Pue Ala. Tauna au mopakadake halaluna, bara moula Aturana Pue. Anti babehiana au sala iti, ia peisa rapandiri nodo hadua topobotusi au mosalai Aturana Pue Ala.

Lukasi 12:57

“Ikamu ide, moapari pane bara nibuku mobotusi apa au maroa hai au bara maroa?

Matiu 7:1

“Ineekau mosalai hangka rangami dati worikau nasalai Pue Ala.

Roma 16:17

Halalu hampepepoinalai, kupopaingaakau bona hangangaa maroa-roakau i tauna au mopaara pogaa-gaa hai au rapeinao mopakanawokau i paturonda au montani hai paturo au rapaturoamokau. Nikaraohihe tauna au nodo!

Roma 14:10

Mewali, moapa hai mopakisalakau halalumi hampepepoinalai? Moapa wori hai mokakabosaikau halalumi hampepepoinalai? Lawi batena ina hawe tempona, ikita ope-ope meangka i lindona Pue Ala bona Nabotusi kara-karanta.

Lukasi 17:2

Hema au mopakanawo hadua tauna au koi tuwona alana barapi mepoinalai Iriko, ina rumihi mpuu pehukuna Pue Ala i tauna iti. Aginami haogu watu pogilia au mahile ratoe i tambolona hai ratende i tanga tahi.

Pampetudungia 2:14

Agaiana ara bahangkia pakana au Kusalaiakau, lawi arakau hanggaa au mampeulai paturona Bileam. Hangkoia Bileam iti mopaguru Balak noumba rara mopakanawo to Isaraeli bona madosahe. Nawawahahe moande paande au rapopenomba i anitu, hai nawawahahe mobabehi au merikai.

Yakobu 2:4

lempona, mampopontanimokau hangka rangami, hai mampelenggekau tauna moula tunggaiami au kadake.

1 Korintu 11:13

Nipepekiri, hintoto pae ane hadua towawine mekakae i Pue Ala i lalu paminggu ane bara metolombu?

1 Korintu 10:32

Ineeke mobabehi apa pea au mopakanawo ranganta, maroa to Yahudi ba tauna au barahe to Yahudi ba halalunta hampepepoinalai au mengkoru i Pue Ala.

Roma 14:4

Hai rangami iti, mobago worihe i Pue. Hemakau pane baikau mosalai hangka rangami au mobago i Pue? Ba maroa pobagonda ba bara, iti popakanotona rai Pue au mewali Amputa. Hai batena ina maroa pobagonda, lawi Pue makuasa mopakanoto raranda.

Matiu 18:7

Hurewumi dunia ide lawi ngkaia au mepakanawo. Tou pepakanawo iti ara, agaiana hurewumohe tauna au mopaara pepakanawo iti.

Matiu 16:23

Yesu mampembalilingi Peturu, hai Nauliangaa, “Peloho Datu Tokadake! Ba nupeinao mohombokiNa bona datiNa mampeulai peundeana UmaNgku? Pekirimu iti pekiri manusia, bara pekirina Pue Ala.”

1 Yohane 2:10

Tauna au mampokaahihe halalunda, tuwohe i lalu kamabaa, hai bara ara babehianda au mopakanawo ranganda.

1 Timotiu 5:14

Ido hai kuuli, tobemba au mangura manihe, agina motambi hulehe, bona moanahe, hai mokadipura maroahe tauna au i lalu sounda dati ara raranda iwalinta mokakabosaike.

Pilipi 1:10

Halalu, kuperapi nodo bona niisa rara mopilei apa au maroa ntepuu hai bona malelaha tuwomi duuna barapi ara kamasalami i alo kahawena hule Kerisitu.

2 Korintu 5:14

Anti kamaahina Kerisitu irikami, ido hai kipari-pari mampopolumao bagongki mopahawe Ngkora Marasa. Lawi kiisa, Kerisitu mate mohuru dosa ope-ope tauna, iti lempona mate hahamoke.

Roma 11:9

Nodo wori, ara lolitana Datu Daudi hangkoia kana i hangka to Yahudina au mewali iwalina. Nauli Daudi, Kuperapi bona paande posusa au rapasilolonga, mewali nodo hea hai tarobo au morugii watanda.

Roma 14:3

Ikamu au moandekau mampopengaa, ineekau mopapakoi rangami au barahe moande bau. Hai ikamu au barakau moande bau, inee worikau mosalai rangami au moandehe mampopengaa. Lawi Pue Ala modoko worihe rangami iti mewali anaNa.