Roma 11:31 - Sura Malelaha

³¹ Nodo worihe to Yahudi. Ide-ide mesapuakahe bona ahina Pue Ala hawe irikamu. Agaiana ihira ina molambi wori ahina Pue Ala nodo ikamu.

Roma 11:31 교차 참조

Roma 11:25

Halalungku hampepepoinalai! Kupeinao mouliangaakau apa tunggaiana Pue Ala au bara raisa tauna hangkoia. Kuuliangaakau ide bona ineekau mampemahile. Bona niisa: ide-ide hanggaa to Yahudi matua lalunda agaiana iti bara mahae, duuna handa kabosanda tauna au barahe to Yahudi au mepoinalai i Yesu hintoto hai tunggaiana Pue Ala.

Roma 11:15

Lawi i kanatendenda Pue Ala to Yahudi, tebungkahimi rara i ope-ope tauna i dunia bona mohintuwuhe hai Pue Ala anti pepoinalainda. Mewali, ina meliu porasina ihi dunia ane Pue Ala modoko hulehe to Yahudi. Iti himbela pea nodo tomate au tuwo hule.

Roma 10:16

Arami tauna au ratudu moanti bambari maroa, agaiana barahe ope-ope tauna mampoinalai bambari maroa iti. Ara lolitana nabi Yesaya hangkoia au manguli, “Pue, arahe pae au mepoinalai i bambari au kiantiahe?”

Roma 11:30

Hangkoia barakau mengkoru i Pue Ala. Agaiana ide-ide nihumbami ahina Pue Ala anti pesapuakanda to Yahudi.

Roma 11:32

Lawi Pue Ala mopalikangaamohe ope-ope tauna madosa hai mesapuaka bona ara raraNa mopatongawa ahiNa i ope-ope tauna.