Roma 10:19 - Sura Malelaha

¹⁹ Inee wori tapehangu to Isaraeli barahe moisa tunggaiana Pue Ala. Raisami! Lawi arami lolitana Pue Ala au napahawe nabi Musa hangkoia node: “Ikamu to Isaraeli, ina Kupamahinakau moita ahiNgku i tauna au barahe to Isaraeli. Ina kupahumpuinaomi moita pekadipuraNgku i tauna au baraNa raisa hangkoia.”

Roma 10:19 교차 참조

Roma 11:11

Mewali, bosahe to Yahudi tehube lawi barahe mepoinalai. Agaiana inee tapehangu anti katehubenda iti, manawohe hawe i hae-haena. Bara iti tunggaiana Pue Ala. Anti peewanda to Yahudi, tepakahe tauna au barahe to Yahudi mepoinalai i Pue Yesu duuna tehoremahe hangko i huku dosanda. TunggaiaNa bona i kahopoana, to Yahudi ina mokahinaihe tauna au barahe to Yahudi duuna rapeinao moula pandirinda.

Roma 11:14

Hangko i pobagongku ide, kuharunga kaina aranda hangka to Yahudingku moita tauna au barahe to Yahudi mepoinalai i Pue Yesu duuna mahina lalunda hai mampeinao worihe mepoinalai Iria bona tehoremahe hangko i dosanda.

Titu 3:3

Lawi hangkoia, makaindi mani lalunta, bara taisa rara au manoto, taliungi AturaNa. I tempo iti, napohawi manike peundeana lalunta au kadake hai katana dunia au mepakanawo. Kadake lalunta, mahinake i ranganta, hai mombekahihi peake.

1 Peturu 2:10

Hangkoia, barakau taunaNa, agaiana ide-ide mewalimokau taunaNa. Hangkoia, barakau Napokaahi, agaiana ide-ide molambimokau pepokaahiNa.

1 Korintu 1:12

Mololitana nodo lawi arakau au mampeinao mampopontani hadua hai hadua. Arakau au manguli, “Iko meula i Paulu.” Arakau au manguli, “Iko meula i Apolo.” Au ntanina wori manguli, “Iko meula i Peturu.” Ara mbuli au manguli: “Iko meula i Kerisitu.”

1 Korintu 15:50

Halalu, tunggaiaku node, watanta i dunia ide rapopewali hangko i onto hai wahe. Hai watanta ide ina mate. Ane watanta bara tebaliki, barake peisa maida i lalu poparentana Pue Ala i suruga, lawi indora bara ara kapate.

1 Korintu 12:2

Nikatuinao halalu, hangkoia hangko bara manikau moisa Pue Ala, tedii lalumi menomba i anitu au bara peisa mololita, au rababehihe hangko i watu ba kau.

1 Korintu 11:22

Barakau pae mosou? Agina maande hai maenu amimokau i soumi moula peundeami. Moapari hai nibabehi nodo i poteruhuami? Niunderi pae mopapakoi hangka rangami au mewali kirana Pue Ala? Nipeinao pae mopakaeahe halalumi au meahi-ahi tuwonda? Apa au hangangaa kuuliangaakau? Ba kutoiakau? Bara! I babehiami iti barakau kutoia.

1 Korintu 10:19

Apa tunggaiaku manguli nodo? Bara kuuli ara pue ntanina hangko i Pue Ala. Hai bara wori kuuli, ara bunduna paande au rapopenomba i anitu. Bara mobundu!

1 Korintu 7:29

Halalu, tunggaiaku node: ikita to Sarani, hangangaa takatuinao kadanapi ngkaia tempota i dunia ide. Ido hai kuuli, mepongka ide-ide, ikamu au motambimokau, inee nipaioru potambimi. Batena bagona Pue au hangangaa tapaioru.

Roma 10:18

Mewali, inee tapehangu bambari maroa iti bara mani rahadi to Isaraeli. Manoto rahadimi! I lalu Sura Malelaha teuki node: “Bambari iti tehawukami i humalele dunia, hai ngkora iti rapahawemi i ope-ope tauna iumba pea kaaranda.”

Roma 3:26

Agaiana ane Pue Ala bara mohuku manusia au madosa, lempona Ia bara manoto. Mewali i kapatena Yesu, Pue Ala mampetudungia kamanotoNa, lawi dosa manusia nahurumi Yesu. Ido hai taisa kamanotona Pue Ala hai taisa wori Pue Ala ina moimba manoto ope-ope tauna au mepoinalai i Yesu.