Roma 10:15 - Sura Malelaha

¹⁵ Hai noumbami kapeiasanda mobambari kana Iria ane barahe ratudu? Nodo au teuki i lalu Sura Malelaha node: “Maroa mpuu kahawenda tauna au mopahawe bambari maroa!”

Roma 10:15 교차 참조

Epesu 2:17

Kerisitu mai bona mopahawe bambari pohintuwu irikamu au karao hangko i Pue Ala hai irikami to Yahudi au hungku i Pue Ala.

Epesu 6:15

Hangangaa masilolonga peamokau mopahawe Ngkora Marasa au mopahintuwu tauna hai Pue Ala, iti mewali nodo kandupami.

Epesu 3:8

Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.

1 Peturu 1:12

Hai Pue Ala mampopaisaahe nabi-nabi hangkoia barahe mopahawe bambari kana i watanda haduduanda. Agaiana ikamuri au ratunggai. Hai ide-ide, apa au rapahawe nabi-nabi hangkoia, rapahawemi i kanoto-notoana irikamu, lawi aramohe tauna au mopahaweakau Ngkora Marasa melempo i kuasana Inao Malelaha au hangko i Pue Ala. Mogalori malaeka, mampeinao worihe moisa kana i katuwo maroa au nihumba iti.

Yohane 20:21

Nauli mbuli Yesu, “Katinda lalu hawe irikamu. Nodo UmaNgku motuduNa, nodo wori Iko motudukau.”

Suro 22:21

Roo indo, nauli mbuli Pue, ‘Hangangaa meangkako, lawi Kutuduko lao i tampo au karao, i tauna au barahe to Yahudi.’ ”

Suro 13:26

“Halalungku pemuleana Burahima, hai ikamu wori au barakau to Yahudi au menombakau i Pue Ala: irikita rapahawe bambari au mopakanoto rara bona peisake tekabaha hangko i huku dosanta.

Suro 9:15

Agaiana, Nauli mbuli Pue Yesu i Ananias, “Hangangaa laoko! Lawi Saulu iti, Kupileimi mewali topobagoNgku. Ia ina mopahawe hangaNgku i to Yahudi hai i tauna ntanina hawe-hawe wori i datu.

Lukasi 10:1

Roo indo, Pue Yesu mopilei pitu pulona topeulaNa au ntanina hai Natuduhe rorodua moioru i ope-ope boea au ina Nakalaongi.

Lukasi 8:1

Bara mahae hangko indo, Pue Yesu molumaohi boea au mahile hai au koi mopahawe Ngkora Marasa kana i poparentana Pue Ala. Ia raporangai liliu topeguruNa au hampulo hai rodua.

Lukasi 2:14

“Tetoiami Pue Ala au i suruga! Tauna i dunia au napokatana Pue Ala ina molambihe roa ngkatuwo.”

Lukasi 2:10

Nauliangaahe malaeka iti, “Ineekau langa, lawi maina moanti bambari maroa irikamu, bambari au rapokatana ope-ope tauna.

Matiu 9:38

Ido hai hangangaa niperapi i ampu bonde bona Natuduhe tauna lao mepare i bondeNa.”

Suro 10:36

Manoto niisa mpuumi bambari au napahawe Pue Ala irikami to Yahudi. Bambari iti mopahawe kana i rara au mopamaroa pohintuwuna Pue Ala hai manusia melempo i Yesu Kerisitu. Yesu iti iami Ampunda ope-ope tauna.

Roma 1:15

Idomi hai kupeinao mpuu mopahawe wori Ngkora Marasa irikamu au i Roma.

Roma 15:20

Idemi peundeaku bona moanti liliuna Ngkora Marasa i tampo ntanina au bara manihe mohadi hangana Kerisitu. Bara kuunde moaro sou i wongko watu au naaro tohaduana.