Pilipi 4:6 - Sura Malelaha

⁶ Inee karao inaomi kana i apa pea. I paka-pakana mekakae liliukau, merapikau i Pue Ala, hai niuli ngkaia kamaroana Iria.

Pilipi 4:6 교차 참조

1 Peturu 5:7

Nipaisare ope-ope kalangami Iria, lawi Ia au mokadipurakau.

Matiu 6:8

Inee nipeulai babehianda! Lawi naisa amimi Umami au ara i suruga apa au niparaluu hangko damani niperapi.

Kolose 4:2

Ineekau oha-oha mekakae, hai i lalu pekakaemi hangangaa mainga-ingakau hai niuli liliu ngkaia kamaroana i Pue Ala.

Epesu 6:18

Hai i lalu pombealami moewa Datu Tokadake, mekakaekau hai merapi tulungi liliukau i Pue Ala. I hinangkana, mekakaekau moula peninina Inao Malelaha. Ineekau oha-oha mekakae hai hangangaa nipekakaea liliuhe ope-ope tauna au mepoinalai i Pue Yesu.

Kolose 3:17

Apa pea au nibabehi ba au nipololita, hangangaa nibabehi hai nipololita hintoto hai poanti tauna au meula i Pue Yesu. Hai niuli ngkaia kamaroana i Pue Ala Umanta i lalu hangana Pue Yesu.

Lukasi 18:1

Roo indo, Yesu mopahawe hampaka ngkora pandiri i topeguruNa bona mekakae liliuhe hai inee malede lalunda.

Lukasi 12:22

Nauli Yesu i topeguruNa, “Ido hai Kuuliangaakau inee karao inaomi ba niuli, ‘Apami wei au taande?’ Inee karao inaomi ba niuli, ‘Apami au tapohampi?’

Kolose 3:15

Pue Ala mokakiokau hai Napopewalikau hawata-wata anti pohintuwumi hai Kerisitu. Mewali, nipakaroho liliu kahintuwumi au hangko i Kerisitu. Hai niuli liliu ngkaia kamaroana i Pue Ala.

Epesu 5:20

i hinangkana niuli ngkaia kamaroana i Pue Ala Umanta i lalu hangana Yesu Kerisitu Amputa.

Lukasi 10:41

Nauli Pue Yesu, “Marta, Marta! Inee karao inaomu, hai inee mampopengaa nupekiri.

Lukasi 18:7

Mewali, apa mani Pue Ala au Naunde mohanai pamperapinda taunaNa au meraroa Iria maroa kaindi ba mabaa. Ba nipehangu, hangangaa mahae-hae tapegia, hangko Natulungirike Pue Ala?

Matiu 10:19

Agaiana ane raantikau lao i topoparenta, ineekau langa kana i apa au ina niuliangaahe ba noumba pehanami. Lawi i tempo iti, Pue Ala ina mouliangaakau apa au hintoto niuli.

Lukasi 12:29

Inee karao inaomi ba nipekiri liliu, niuli: ‘Apami wei au taande hai taenu?’

2 Korintu 1:11

Hai nipekakaea woringkai. Lawi ane bosa tauna mampekakaengaangkai, Pue Ala ina motulungingkai, alana bosa tauna ina manguli ngkaia kamaroana Iria.

1 Korintu 7:32

Halalu, peundeaku ineekau mampepekiri liliu katuwomi. Tobalilo au barahe motambi, peisahe mampopolumao liliu bagona Pue, hai peisahe mampekiri liliu apa peundeana Pue irihira.

1 Peturu 4:7

Halalu, kahopoa dunia ide hungkumi hai ope-ope ihina ina matanta. Ido hai hangangaa mainga-ingakau hai nipamanoto pekirimi bona peisakau mekakae.

Matiu 13:22

Tinuda au manawo i olo dui lempona, tauna au mampehadingi Ngkorana Pue Ala, agaiana mopailalu liliu peahe katuwonda i lalu dunia, hai mampeinao peahe morampu anu-anu dunia. Ido hai barapi ara paidaa Ngkorana Pue Ala i lalunda, hai barapi mobundu Ngkora iti i lalu katuwonda.

1 Korintu 7:21

Ane rapana hawi tuwonta hai nakakioke Pue Ala mewali to Sarani, inee masusa lalunta mampekiri kahawinta. Agaiana ane ara katepakanta bona tekabahake hangko i kahawinta, agina tapepakai tempo iti.

Matiu 6:34

Mewali, inee karao inaomi mampekiri apa au ina mewali kahalo. Alo ide handami kamaparina, inee mbuli nitambai mampekiri apa au ina mewali kahalo.”

1 Timotiu 2:1

Nguru-nguruna, kuperapi bona ope-ope tauna au mepoinalai i Pue Yesu, moorehe pekakaenda, pamperapinda hai pangulinda ngkaia kamaroana i Pue Ala. Hangangaa mampekakaeake ope-ope tauna,

1 Timotiu 5:5

Tobemba au tou-tou mpuu meahi-ahi tuwona, iami tobemba au tuwo sadudua pearai, bara ara au mokadipura. Batena pearai meharunga hai mekakae liliu i Pue Ala.