13 Kubuku molindo hinangka au merumpa, lawi Kerisitu mopakaroho lalungku.
Merapingkai i Pue Ala bona Napakaroho lalumi i lalu kuasaNa moula kamarohoNa au mahile bona mantaha liliukau i hinangkana au morumpakau.
Kahopoana halalu, hangangaa marohokau i lalu karoho au nihumba hangko i kuasana Pue, lawi mohintuwumokau hai Ia.
Mekakaena i Pue Ala au mahile kuasaNa bona hangko i kuasaNa au mahile iti, Napakaroho lalumi hai InaoNa,
Ane mohintuwu liliukau hai Iko hai lolitaNgku nipailalu liliu, niperapimi i Pue Ala ba apa peundeami, batena Naweikau.
Kuuli ngkaia kamaroana i Amputa Kerisitu Yesu, lawi Naweina karoho, Napoinalaiana mampopolumao bagoNa, hai Naangkana mewali topobagoNa.
Nahanai Yesu, “Maimoko!” Mendaulu mpuumi Peturu hangko i duanga, hai molumaomi i wongko owai monontohi Yesu.
