Pilipi 1:28 - Sura Malelaha

²⁸ Inee mpuukau langa i tauna au moewakau, lawi iti au mopakanotoahe kaina nahukunda Pue Ala, hai ikamu halalu manotomi kaina nahoremami Pue Ala.

Pilipi 1:28 교차 참조

Matiu 10:28

Ineekau mampokalanga tauna au peisa peahe mopapate watami, lawi bara ara kuasanda mohukukau hawe i hae-haena. Au hangangaa nipokalanga iami Pue Ala, lawi Ia au makuasa motendekau i lalu naraka.

Roma 8:17

Mewali, ane napoanamoke Pue Ala, taisa kaina molambita pewati au napasilolongami Pue Ala i anaNahe. Pewati iti tahumba hihimbela hai Kerisitu. Ane mantodihake himbela hai Kerisitu, i alo pebotusi ina molambi worike katuwo mahile hihimbela hai Ia.

Ibarani 13:6

Ido hai maroho lalunta, hai tauli: “Pue motulungina, barana langa. Bara kupokalanga apa au rababehiana tauna.”

Pampetudungia 2:10

Bona niisa: Datu Tokadake ina motarunggu hanggaa hangko irikamu, hai ina nakelokau bona mousulikau hangko i pepoinalaimi. Ina rapopeahi-ahikau hampulo alona kamahaena. Agaiana inee nipokalanga pepopeahi-ahi iti. Hangangaa mantahakau i lalu pepoinalaimi kehapirikau rapapate. Ane nodo nibabehi, ina Kuweikau katuwo maroa au bara mokahopoa, hurungina penangimi.

1 Tesalonika 2:2

Niisami tuntukana halalu! Hangko damaningkai hawe i boeami, rapopeahi-ahingkai hai rakakabosaingkai i wanua Pilipi. Hai nauri raewangkai tauna, Pue Ala mopakaroho lalungki datingkai langa mopaliliu pobagongki mopahaweakau Ngkora Marasa au hangko i Pue Ala.

Lukasi 3:6

Roo indo, ope-ope tauna ina moita Datu Topehorema au natudu Pue Ala.”

Suro 28:28

Roo indo, nauli mbuli Paulu irihira, “Halalu bona niisa, ara Ngkora Marasa au mopakanoto rarana Pue Ala mohorema tauna hangko i huku dosanda. Ngkora Marasa iti rapahaweamohe tauna au bara to Yahudi. Ihirami au ina modoko bambari iti!”

Yohane 16:8

Ane hawe Inao Malelaha, Ia au ina mopatongawa kamadosana manusia, kamanotoNgku hai pehukuna Pue Ala.

Markus 3:3

Mololitami Yesu i tauna au wara taiena hambali, Nauli, “Maiko meangka inde i lindo.”