Pilipi 1:12 - Sura Malelaha

¹² Mewali kupeinao bona niisa halalu, naurina ratarunggu, matanana, lawi anti karatarungguku ide, kabosa-bosaari tauna mohadi Ngkora Marasa.

Pilipi 1:12 교차 참조

2 Timotiu 2:9

Anti popahawengku Ngkora Marasa, ido hai narumpana kapari, duuna ratakana inde i lalu tarunggu nodo hadua tauna au kadake. Agaiana Ngkorana Pue Ala bara tetaka.

Roma 8:28

Taisami ide-ide Pue Ala mobago wori i paka-pakana bona mopaara roa ngkatuwo i ope-ope tauna au mampokaahi Pue Ala, iami i tauna au Nakakio hintoto hai tunggaiaNa.

Roma 8:37

Agaiana kehapiri ba apa au morumpake, batena menangi liliuke, anti pepokakaiana Yesu irikita!

Suro 8:4

Mewali, topepoinalai au mahawuhe iti, mopahawehe Ngkorana Pue iumba pea kalaoanda.

Lukasi 21:13

I tempo iti, ina raweikau katepaka mopahawe kana i pepoinalaimi Iriko.

Pilipi 1:5

lawi hangko i nguru-nguruna duuna ide-ide nidurei liliuna i lalu pobagongku mopahawe Ngkora Marasa au hangko i Pue Ala.

Pilipi 1:7

Hintoto mpuu pekiringku nodo, lawi kupokakaiakau. I lalu bagongku au naweina Pue Ala hangko i kabulana laluNa, nidurei liliuna, maroa ide-ide tangangku i lalu tarunggu, maroa i tempoku mosabi hai mopakaroho katouna Ngkora Marasa.

Pilipi 2:22

Agaiana Timotiu, niisami kamantahana i lalu pobagona, lawi ia mobagomi hihimbela hai iko mopahawe Ngkora Marasa nodo hadua anangkoi modurei umana.

Pilipi 4:3

Hai kuperapi irikamu rangangku hampopobago (Sunsugos) au tetida lalumi, nitulungi wohiraia towawine au rodua iti bona ineehe mosisala. Tangangku mani hihimbela hai ikamu, madotahe mamporangaina mopahawe Ngkora Marasa hihimbela hai Klemens hai rangangku au ntanina au hampopobago. Hanganda ope haha teuki i lalu Sura Ngkatuwo.

Pilipi 4:15

Halalungku to Pilipi, niisami, hangkoia mopahawena Ngkora Marasa i boeami, hai i kapadungku hangko i tampo Makedonia, bara ara jumaa i boea ntanina au motulungina. Batena pea ikamu au motulungina i tempo iti.

1 Timotiu 2:8

Peundeaku bona ane mamingguke iumba pea, tobalilo hangangaa mekakae i lalu kamalelaha, hai barahe peisa mosisala ba masodo.

2 Timotiu 4:17

Nauri bara ara rangangku au mamporangaina, agaiana naporangai liliuna Pue. Naweina karoho mopahopo bagongku mopahawe Ngkora Marasa bona ope-ope tauna au barahe to Yahudi peisahe mohadi bambari iti. Kahopoana, tekabahana hangko i kapate.