Pilemo 1:20 - Sura Malelaha

²⁰ Halalu, anti pohintuwuta hai Pue, kuperapi bona nupeulai wongkoia pamperapiku ide. Anti pohalalunta i lalu Kerisitu, nudoko hulemi Onesimus bona matana lalungku.

Pilemo 1:20 교차 참조

3 Yohane 1:4

Rumihi mpuu kamatanangku mohadi bambari au manguli anangku moula liliu paturo au tou.

Pilemo 1:7

Halalungku, Matana mpuuna hai tepalindo lalungku anti kamahilena ahimu iti, lawi oio au mopakaroho lalunda ope-ope tauna au mepoinalai i Pue Yesu.

Pilemo 1:12

Mewali ide-ide, anangku au kupokaahi ide, kutudu mesule hule irio.

1 Yohane 3:17

Rapana ara hadua tauna au maroa tuwona, hai moita halaluna au meahi-ahi, agaiana bara mau motulungi halaluna iti, noumba? Ane nodo, ahi au hangko i Pue Ala bara ara i laluna tauna iti.

Ibarani 13:17

Nipeulaimi hawanda tadulakomi hai mengkorukau irihira. Lawi ihira au mokadipura katuwomi, hai au hangangaa mohanaihe Pue Ala kana i pobagonda. Nipeulai hawanda bona matanahe mobago. Ane bara nipeulai hawanda, ina masusa lalunda, hai ane nodo barapi ina ara pobunduana irikamu.

Pilipi 4:1

Mewali halalu au kupokaahi hai au kukabilai: nipakaroho pepoinalaimi i Pue. Ikamumi au kupomahile hai au kupokatana lalu.

Pilipi 1:8

Pue Ala moisa ntepuu noumba kakukabilaimi, hai pekabilaingku ide nodo kamaahina Kerisitu Yesu irikamu.

2 Korintu 7:13

Mewali, tepalindomi lalungki! Hai meliu hangko inditi, matana woringkai moita kamatanana Titu. Tepalindo laluna moita babehiami au maroa tangana maida i olomi.

2 Korintu 2:2

Lawi ane kupakasusa lalumi, hema mani pae au ina mopalindona?

1 Korintu 16:18

Halalunta iti mopamatanahe lalungku, nodo karapamatanana lalumi. Ido hai kuperapi bona nibilahe tauna au nodo ihira.