Pampetudungia 8:7 - Sura Malelaha

⁷ Malaeka au kaisa motawue tatamburuna, hai unga pea ara uda mowua hangko i langi. Nodo wori, api mogalo wahe toami i dunia. Tehuwemi pandulu hai ope-ope hehi malewau i hangkira talu dunia.

Pampetudungia 8:7 교차 참조

Pampetudungia 9:4

Kakomba iti, barahe rapaliu mopakarugi hehi ba kau ba tuda-tuda. Au peisa pea rapakarugi, tauna au bara ara pekatandaina Pue Ala i wingkenda.

Pampetudungia 9:18

Hangkira talu hangko i manusia rapapatemi hai talu pakana pepopeahi-ahi ide: api, rambu hai belerang au mesuwu hangko i nganganda dara iti.

Pampetudungia 9:15

Nakabaha mpuumohe. Malaeka au iba iti rapasilolonga ami bona i pare, i wula, i alo hai i jaa au napakanotoahe Pue Ala bona mopapatehe hangkira talu hangko i ope-ope tauna.

Pampetudungia 16:21

Toa wori hangko i langi wua uda au nodo watu kamahilena, monawongi manusia. Haogu, ba arato pae lima pulona kilo kamantimina. Ido hai tauna mopapakoimohe Pue Ala, lawi rumihi mpuu karapopeahi-ahinda.

Pampetudungia 16:2

Lao mpuumi malaeka au nguru-nguruna mobumbuha ihi pambolia pehukuna Pue Ala i dunia. Unga pea meumba bihu au meringkui i tauna au ara tanda binata kadake hai menomba i lengge binata iti.

Pampetudungia 12:4

Naga iti mowentoka ikuna, modii hangkira talu hangko i betue i langi hai natendehe i wongko dunia. Naga iti meangka i lindona towawine au ina moana bona moame Anana towawine iti au ina mesupa.

Pampetudungia 6:8

Kuita hambaa dara au mabada-bada. Tauna au mesawi i dara iti rahanga “Kapate,” hai au meusu i bokona rahanga “Paidaa Tomate.” Ihira iti raweihe kuasa mopapate hangkira iba hangko i ope-ope tauna. Arahe au rapapate i lalu pombeala, arahe au mate laloara, arahe au mate narumpa haki, hai arahe au rapapate binata au maseke.

1 Peturu 1:24

Ara teuki i lalu Sura Malelaha au manguli, “Katuwo manusia nodo hehi, peawa manusia nodo bunga hehi. Hehi batena malau, hai bungana ina maoru,

Yakobu 1:11

Lawi ane nasimbaki alo au makere, liliu malau, alana maoru bungana hai matantami peraena. Nodo wori tauna au pebuku: ina matehe tanganda mourusi peawanda.

Pampetudungia 7:1

Hangko indo, kuitahe iba malaeka au meangka i iba huno dunia. Malaeka iti molambihe kuasa hangko i Pue Ala bona mopakarugi dunia hai pepopeahi-ahi, maroa i tahi maroa i lore. Motahahe pewui himburu hangko i iba huno dunia dati ara himburu au mewui i tahi, i lore hai i pandulu. Hai kuita hadua malaeka hawe hangko ntanda i Mata alo moanti pene au hangko i Pue Ala au tuwo. Malaeka iti mololitami masisimbuku mouliangaahe malaeka au iba inona, nauli,