Malaeka au kaisa motawue tatamburuna, hai unga pea ara uda mowua hangko i langi. Nodo wori, api mogalo wahe toami i dunia. Tehuwemi pandulu hai ope-ope hehi malewau i hangkira talu dunia.
Mainga-ingakau dati ara rangami au mousuli hangko i Pue Ala hai mosapuaka ahiNa. Maroa-roakau datihe ara tauna au hawe mewali rasu i olomi, hai kahopoana mopakarugi pohintuwumi alana bosa tauna teanti i lalu dosa.
Nakabaha mpuumohe. Malaeka au iba iti rapasilolonga ami bona i pare, i wula, i alo hai i jaa au napakanotoahe Pue Ala bona mopapatehe hangkira talu hangko i ope-ope tauna.
Naga iti mowentoka ikuna, modii hangkira talu hangko i betue i langi hai natendehe i wongko dunia. Naga iti meangka i lindona towawine au ina moana bona moame Anana towawine iti au ina mesupa.
