Pampetudungia 7:10 - Sura Malelaha

¹⁰ Monganga-ngangamohe, rauli, “Toiami Amputa Pue Ala au mohuda i kadera kadatua! Toiami Ana Dimba! Lawi Ia au mohoremake hangko i huku dosanta, hai moweike katuwo maroa.”

Pampetudungia 7:10 교차 참조

Pampetudungia 19:1

Roo indo, kuhadi nodo wotu tauna bosa i suruga. Monganga-ngangamohe, rauli, “Haleluya! Toiami Pue Ala! Ia au moweike katehorema. Ia au mahile tuwoNa hai au makuasa.

Pampetudungia 12:10

Roo iti, kuhadi hambua wotu i suruga au mololita masisimbuku, nauli, “Hawemi tempona Amputa Pue Ala mowei katehorema i taunaNa, mopatongawa kuasaNa, hai mepongkami moparenta. Hawemi tempona Datu Topehompo au Napilei Pue Ala ina mopatongawa kamakuasaNa. Lawi Datu Tokadake rapopelohomi hangko i suruga; iami au mosalai liliuhe halalunta hampepepoinalai i lindona Amputa Pue Ala.

Pampetudungia 22:3

I lalu wanua iti barapi ara au Napaharara Pue lawi kadera kadatuana Pue Ala hai Ana Dimba ara i lalu wanua iti. Hai hawiNa menombahe Iria

Epesu 2:8

Nahoremamoke Pue Ala hangko i huku dosanta moula kabulaNa laluNa, anti pepoinalainta i Yesu Kerisitu. Barake Nahorema anti babehianta au maroa, batena pea anti kabulana laluNa irikita. Ido hai bara ara hadua au peisa manguli: “Anti kamaroana babehiangku, ido hai nahoremana Pue Ala hangko i huku dosangku.”

Yohane 1:29

Kahalona, Yohane moitami Yesu mai iria. Nauli i tauna bosa, “Nipeita! Oloumi mai Ana Dimba au napasilolonga Pue Ala. Iami au ina mopahuru watanta, mohuru dosanta.

Pampetudungia 21:5

Roo indo, nauli Hadua au mohuda i kadera kadatua, “Ide-ide hinangkana ina Kuwouki. Nuukimi lolitaNgku ide, lawi batena tou hai ina tepabukei mpuu.”

Lukasi 3:6

Roo indo, ope-ope tauna ina moita Datu Topehorema au natudu Pue Ala.”

Pampetudungia 5:7

Ana Dimba iti molumao lao moala sura iti hangko i taie koanana Hadua au mohuda i kadera kadatua.

Pampetudungia 4:6

I lindo kadera kadatua iti, ara wori lanta au nodo tahi, malino mpuu nodo kaca ba watu au meninto. Kadera kadatua au masuku iti, natoleliki iba pinatuwo au ngkaia matanda. Humalele watanda nakaarai mata, maroa i lindonda maroa i taleunda.

Yohane 4:22

Ikamu to Samaria, barato niisa kahemana au nipenombai. Ikami to Yahudi, kiisa kahemana au kipenombai, lawi ara dandina Pue Ala au manguli katehorema ina hawe hangko i to Yahudi.

Yohane 1:36

Poitana Yesu moliu, liliu nauli, “Peita, ehoumi Ana Dimbana Pue Ala!”