Pampetudungia 5:5 - Sura Malelaha

⁵ Roo indo, ara hadua hangko i totosae au rompulo hai iba au mouliangaana, “Ineeko moteria. Lawi ara mpuu au menangi! Ia rauli: Singa hangko i Yehuda; Ia pemuleana Datu Daudi! Ia au peisa mobungkahi penena hai mobungkahi sura iti.”

Pampetudungia 5:5 교차 참조

Pampetudungia 22:16

Iko, Yesu, motudumoNa malaekaNgku mopahawe paturoNgku ide irikamu ope-ope jumaa. Iko pemuleanana Datu Daudi. Ikomi Betue ntanda i Mata alo au mewangka ntepuu.”

Ibarani 7:14

Lempona, Amputa Pue Yesu, bara rapoanaka hangko i pemuleana Lewi, agaiana hangko i pemuleanari Yehuda, Moleri i lalu atura tadulako mpenomba au nauki Musa, bara ara au teuki kana i tinana Yehuda.

Roma 15:12

Ara wori lolita, au nauki nabi Yesaya hangkoia, au manguli node: “Hangko i pemuleana Isai, ina hawe hadua tauna au moparentaihe tauna au bara to Yahudi. Ia iti au mewali peharunganda.”

Roma 1:3

Ngkora Marasa iti mampololita kana i Anana Pue Ala, au rapoanaka himbela hai manusia hangko i pemuleana Datu Daudi.

Pampetudungia 6:1

Roo indo, kuitami Ana Dimba mobungkahi pene au kaisa hangko i pitu pene iti. Kuhadi hambaa hangko i pinatuwo au iba iti mekakio masisimbuku nodo pomoni gumpata, nauli, “Maimoko!”

Pampetudungia 4:4

Hai mantoleli kadera kadatua, ara wori rompulo hai iba pohudaa datu. Pohudaa iti rapohudai rompulo hai iba totosae au mehampi bula hai mesongko bulawa.

Pampetudungia 7:13

Roo indo, hadua hangko i totosae iti mekune iriko, nauli, “Arahe nuisa tauna au mebadu bula ngkalanga iti? Ba nuisa kahangko iumbanda?”

Pampetudungia 4:10

totosae au rompulo hai iba molingkuduhe motumpa i lindona Hadua au mohuda i kadera kadatua hai au tuwo hawe i hae-haena iti. Menombamohe Iria, hai songko kadatuanda rahuhu Iria i lindo pohudaaNa mewali tanda pebilanda. Roo indo, rauli,

Pampetudungia 1:1

Ihi sura ide iami kana i apa au napatongawa Yesu Kerisitu. Pue Ala motudu Yesu Kerisitu mopatongawa irikita hawiNa apa au barapi mahae ina mewali. Yesu motudu malaekaNa lao mopatongawa ope-ope iti iriko Yohane, hawiNa.

Yohane 20:13

Mekunehe malaeka iti i Maria, rauli, “Ina, moapari pane moteriako?” Nauli Maria, “Ampuku raalami hangko inde, hai bara kuisa iumba rawoli.”

Lukasi 7:13

Kanaitana Pue Yesu towawine iti, maahimi laluNa, hai Nauliangaa, “Ineemoko moteria!”

Lukasi 23:28

Yesu mampembalilingihe towawine iti, hai mololita, Nauli, “Towawine to Yerusale, inee Iko au niteriahi, agaiana niteriahi watami haduduami hai anami.

Lukasi 8:52

Ope-ope tauna au mogulu inditi moteriahihe anangkoi au mate. Agaiana nauli Yesu, “Ineemokau teria. Anangkoi ide bara mate agaiana leta pea.”

Pampetudungia 3:21

Hema au menangi, ina Kupopohuda hihimbela hai Iko i kadera kadatuaNgku, nodo Iko au menangimoNa, hai mohudaNa moparenta hihimbela hai UmaNgku i kadera kadatuaNa.

Pampetudungia 5:4

Moteriana anti kawiorangku, lawi bara ara hadua au hintoto mobungkahi sura iti hai mampeita ihina.