Pampetudungia 3:15 - Sura Malelaha

¹⁵ Nauli: Kuisa apa au nibabehi. Barakau malahe, bara worikau mamu. Mobundumi malahe ba mamukau.

Pampetudungia 3:15 교차 참조

Roma 12:11

Hangangaa madotakau mobago i Pue, ineekau lohe. Hangangaa nipopolumao bagona Pue hangko i lalumi.

Matiu 6:24

“Bara ara hadua tauna au nabuku mampobagoa rodua tauna, lawi hadua ina napokaahi, hai hadua nakahihi. Hadua ina napeulai hawana, hai hadua bara napeulai. Nodo wori ikamu, barakau peisa mampeulai peundeana Pue Ala, hai mohaoki worikau anu-anu dunia.”

Pampetudungia 2:4

Agaiana ara au Kusalaiakau: barapoNa nipokaahi nodo kanipokaahiNgku hangkoia.

Matiu 24:12

I tempo iti, katetetambaia kakadakenda tauna, duuna makura ahi lalunda tauna.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

Pilipi 1:9

Mewali, kupekakaeakau i Pue Ala, kuperapi bona tetambai liliu kamaahimi, hai tetambai wori kamapandemi moisa apa au tou, duuna manoto ntepuu lalumi.

2 Korintu 12:20

Au kupokalanga ane laokau kusondaki kulambikau bara nodo au kupeinao hai hawena irikamu bara nodo au niharunga. Langana ane arakau au mohiho hai mombekahinai, mombekarumpui hadua hai hadua, mengkaiwongko, mombekakabosai, mombepodongkoa, mampemahile, hai au mehawu-hawu

Matiu 10:37

Hema au melumbu pampokakaiana inana ba umana pane pepokaahina Iriko, bara hintoto mewali topeulaNgku. Hema au melumbu pampokakaiana anana pane pepokaahina Iriko, bara hintoto mewali topeulaNgku.

Pampetudungia 3:1

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Sardis: Idemi lolitana Pue Yesu, au mokingki pitu Inao hangko i Pue Ala hai betue au pitu oguna. Nauli: Kuisa noumba babehiami. Rauli, maroa mpuu tuwomi, moleri pepoinalaimi mate!

Pampetudungia 2:2

Nauli: Kuisa noumba babehiami: madotakau i lalu bagoNgku, hai mantahakau i tempomi rapopeahi-ahi anti pepoinalaimi Iriko. Kuisa kanikahihina babehianda tauna au kadake. Arahe au manguli suroNgkuhe, agaiana bara tou. Niisa podongkonda, lawi bara maroa babehianda.

2 Tesalonika 1:3

Halalu-halalu, barangkai oha-oha manguli ngkaia kamaroana i Pue Ala anti kaikamuna. Hai hintoto mpuu kibabehi nodo, lawi kamaroho-rohoami pepoinalaimi i Pue Yesu, hai katetetambaiami ahimi i hangka rangami.

1 Korintu 16:22

Tauna au bara mampokaahi Pue Yesu, hararamohe i Pue Ala. Maranata! MaimoKo, Pue!

Pampetudungia 3:16

Agaiana mamualo peakau; barakau mamu hai bara worikau malahe. Ido hai ina Kuhoparakakau hangko i lalu ngangaNgku.