2 hai moili i olo rara i tanga wanua iti. I pontimali wiwi owai iti, ara kau au rahanga Kau Ngkatuwo. Kau iti mowua hampulo hai rombela i lalu hampare, wula-wulana mowua. Tawena rapopakuli bona mopakaoha tauna i humalele dunia.
Natudungia worina malaeka iti hambua owai au malino nodo watu au meninto; owai iti mopaara katuwo. Uluna mesuwu hangko i kadera kadatuana Pue Ala hai Ana Dimba,
Yesu haduduana mohalea huku dosanta i karapapateNa i kau mombehape bona tekabahake hangko i kuasa dosa hai tuwoke moula peundeana Pue Ala. KapateNa iti moanti katuwo maroa irikita.
Hema au motalinga, hangangaa mampehadingi apa au nauli Inao Malelaha i ope-ope jumaa. Hema au menangi, Kupaliu mpuu maande wua kau ngkatuwo i Bonde Paradesi i suruga.”
Morasihe tauna au mobahoi hampinda hawe maitu, lawi ihira au ina rapaliu maande wua Kau Ngkatuwo. Ihira au peisa moliu i babaka mesua i lalu wanua iti.
Hai hema au mopamakura hampaka lolita hangko i sura ide, Pue Ala ina mopamakura wori kirana: barapohe peisa maande wua Kau Ngkatuwo, hai barahe peisa mesua i lalu wanua au malelaha, nodo au teuki i lalu sura ide.
Babaka au hampulo hai rombua iti, ope-ope rababehi hangko i watu au maluha, hangana mutiara. Ogu-oguna babaka rababehi hangko i haogu mutiara au mahile. Rara i wanua iti rababehi hangko i bulawa ntepuu au mengkila-ngkila nodo kaca.
“Inaona Pue Ala mendaulu Iriko, lawi Ikomi au Napakanoto mobambari Ngkora Marasa i tauna au meahi-ahi tuwonda. NatuduNa mopahawe i toratawani kaina rakabahanda, hai mouliangaahe tobilo kaina meitanda. NatuduNa mokabahahe au rapohawi,
