Pampetudungia 21:12 - Sura Malelaha

¹² Wanua iti natoleliki bente au mapangka hai maroho. I bente iti, ara hampulo hai rombua babaka. Hambua-hambua babaka nakampai hadua malaeka. Hai i hambua-hambua babaka iti, teuki hambua hanga hangko i hampulo hai rontinana Isaraeli,

Pampetudungia 21:12 교차 참조

Pampetudungia 21:25

Baba bente wanua iti tebungkahi liliu, barapi ina tetuko, lawi kaindi barapi ara.

Suro 26:7

Dandina iti rapoinalai wori ope-ope halalunta to Yahudi au hampulo hai rontina au menomba liliuhe i Pue Ala. Datu au kubila, hangko i peharungangku iti, ido hai rasalaina to Yahudi.

Ibarani 1:14

Bara hambela, lawi malaeka iti topobagoNa peahe Pue Ala au Natudu motulungi hai mokadipura tauna au ina molambi katehorema.

Lukasi 16:22

Roo indo, matemi Lasaru, hai ia raanti malaeka lao i pohudaa au maroa i holana Burahima. Bara mahae hangko indo, mate worimi topebuku iti, hai ratawu.

Lukasi 15:10

Nodo wori kamatananda malaekana Pue Ala mampokatana hadua tomadosa au menoso hangko i dosana.”

Matiu 18:10

“Mewali, mainga-inga mpuukau. Inee nipakoi tauna au koi tuwona nodo anangkoi ide, nauri hadua pea. Lawi tou-tou Kuuliangaakau: malaeka au mokampaihe maida liliu i lindona UmaNgku au ara i suruga.

Pampetudungia 21:13

Bente iti, iba sulapana, hai hahasulapa talu mbuana babaka: talu ntanda i Mata alo, talu ntanda i Raa, talu ntanda i Lau, hai talu ntanda i Katampua alo.

Pampetudungia 21:15

Malaeka au mololita iriko iti, mokingki hambua lai popehoka au rababehi hangko i bulawa. Wanua iti nahoka, nodo wori bentena hai babakana.

Pampetudungia 22:14

Morasihe tauna au mobahoi hampinda hawe maitu, lawi ihira au ina rapaliu maande wua Kau Ngkatuwo. Ihira au peisa moliu i babaka mesua i lalu wanua iti.