Pampetudungia 2:2 - Sura Malelaha

² Nauli: Kuisa noumba babehiami: madotakau i lalu bagoNgku, hai mantahakau i tempomi rapopeahi-ahi anti pepoinalaimi Iriko. Kuisa kanikahihina babehianda tauna au kadake. Arahe au manguli suroNgkuhe, agaiana bara tou. Niisa podongkonda, lawi bara maroa babehianda.

Pampetudungia 2:2 교차 참조

1 Yohane 4:1

Halalu au kupokaahi! Ineehe hampai nipoinalai ope-ope tauna au mouli kaarana Inaona Pue Ala irihira. Nipeita maroahe, ba tou-tou mpuuhe hangko i Pue Ala ba bara. Lawi iumba-umba pea, arahe nabi au mepawuli.

1 Tesalonika 5:21

Niparesa maroa-roa hinangka lolita iti, hai nikingkimi apa au maroa.

Pampetudungia 3:8

Nauli: Kuisa apa au nibabehi. Peita, Kubungkahiakau baba hai barapi ara au peisa motuko, lawi nauri haodi pearai kamarohomi, lolitaNgku nipeulai hai bara mpuu nisapuaka kanipoinalaiNgku.

2 Timotiu 2:19

Nauri nodo, Ngkorana Pue Ala batena maroho peangkana. Ngkorana Pue Ala rapandiri nodo haogu watu au bara ina tedua. I lalu Ngkorana Pue Ala teuki node, “Pue moisa hema au Napilei mewali anaNa,” hai, “Hema-hema au mopangaku kaYesuna Ampunda, hangangaa mokabahahe babehianda au kadake.”

1 Tesalonika 1:3

Ane mekakaengkai i Pue Ala Umanta, kikatuinao liliu pobagomi anti pepoinalaimi, kikatuinao petulungimi i rangami anti kamaahimi, hai kikatuinao kamantahami i lalu kapari anti peharungami i Amputa Yesu Kerisitu.

Galatia 1:7

Katouana paturo iti bara peisa mopahaweake noumba rara molambi katuwo maroa hangko i Pue Ala, batena pea Ngkora Marasa au kipahaweakau. Ide-ide arahe tauna au hawe i olomi au mopawulikau hai paturonda au sala, tunggaianda mampeinaohe mobaliki Ngkora Marasa kana i Kerisitu.

Pampetudungia 3:1

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Sardis: Idemi lolitana Pue Yesu, au mokingki pitu Inao hangko i Pue Ala hai betue au pitu oguna. Nauli: Kuisa noumba babehiami. Rauli, maroa mpuu tuwomi, moleri pepoinalaimi mate!

Ibarani 6:10

Pue Ala batena manoto. Bagomi au nipobagomi hangko i lalumi au buke ahi bara ina naliu inaoNa. Manoto nipokaahi Pue Ala, lawi bosami belana motulungikau halalumi hampepepoinalai, maroa i tempo au liu, maroa ide-ide.

Epesu 4:14

Mewali, ane nodo kamarohona pepoinalainta, barapoke ina holi-holi rapakanawo nodo anangkoi, lawi pekiri anangkoi nodo hehi au nawui himburu node hou node mai. Agaiana ikita, barapoke nodo. Barapoke ina mampeulai hinangka paturo hangko i tauna au mepawuli hai mepakanawo.

Pampetudungia 2:9

Nauli: Kuisa kapari au morumpakau, hai Kuisa peahi-ahimi, agaiana katouana pebukukau i lalu pepoinalaimi. Kuisa noumba karakakabosaimi tauna au moulihe katoYahudinda. Agaiana katouana, i lalunda barahe to Yahudi; topegurunarihe Datu Tokadake.

Pampetudungia 2:6

Agaiana ara wori babehiami au maroa, lawi barakau mounde babehianda tauna au mampeulai paturona Nikolaus, au Kukahihi wori.

Pampetudungia 3:15

Nauli: Kuisa apa au nibabehi. Barakau malahe, bara worikau mamu. Mobundumi malahe ba mamukau.

Matiu 7:23

Ina Kuhanaihe: ‘Barakau Kuisa! Pelohokau hangko inde, ikamu au kadake babehiami.’ ”

Yohane 6:6

(Katouana, naisato Yesu apa au ina Nababehi. Agaiana mekune nodo i Pilipu, lawi Napeinao mampetandaka pepoinalaina Pilipu.)

Pampetudungia 2:5

Ido hai Kuuliangaakau: nipehadingi! Manawomokau i lalu dosa. Mewali, hangangaa menosokau! Nibabehimide apa au nibabehi nguru-nguruna. Lawi ane bara nibabehi nodo, i kahaweNgku deade, ina Kuingihi pambolia hulomi hangko i paidaana.