Pampetudungia 2:18 - Sura Malelaha

¹⁸ Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Tiatira: Idemi lolitana Anana Pue Ala au mataNa mewangka nodo rore api hai bitiNa mengkila-ngkila nodo suasa au hangko roo rahowu.

Pampetudungia 2:18 교차 참조

Pampetudungia 1:11

nauli, “Apa au nuita, nuuki i sura hai nupakatuahe jumaa au pitu ide: Epesu, Smirna, Pergamus, Tiatira, Sardis, Filadelfia hai Laodikia.”

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Matiu 3:17

Roo nodo, rahadimi wotuna Pue Ala hangko i langi au manguli, “Ia idemi AnaNgku au Kupokakaia hai Kupokatana.”

Roma 8:32

Ia bara mampokabohi AnaNa au haduduaNa, bona mate mopahuruke, noumba kadanta ina Nawei paka-pakana?

Roma 1:4

TuwoNa malelaha nodo Pue Ala hai i pearona hangko i olo tomate, mewali hambua tanda kuasa au mopatongawa, Yesu Kerisitu Amputa iti, iami Anana Pue Ala.

Yohane 10:36

Ikomi au napilei UmaNgku au motuduNa mai i dunia. Mewali, moapari hai niuli mopapakoina Pue Ala ane Kuuli, Iko Anana Pue Ala?

Yohane 5:25

Tou mpuu lolitaNgku ide: ina hawe tempona hai katouana tempo iti hawemi, tomate ina mohadi wotuna Anana Pue Ala, hai ihira au mohadi wotuNgku ina molambi katuwo au wou.

Yohane 3:18

Tauna au mepoinalai i Anana Pue Ala, barahe ina rahuku. Agaiana tauna au bara mepoinalai, manotomi kanahukunda Pue Ala, lawi barahe mepoinalai i Anana Pue Ala au Haduduana.

Yohane 3:16

Anti kamahilena ahina Pue Ala i ope-ope tauna i dunia, ido hai Nakirami AnaNa au HaduduaNa bona hema pea au mepoinalai Iria, bara rahuku, agaiana molambi katuwo maroa au bara mokahopoa.

Lukasi 1:35

Nahanai malaeka, “Inao Malelaha ina mendaulu irio, hai kuasana Pue Ala ina mobobongiko. Ido hai anangkoi au ina nupoanaka iti, ina rauli Anana Pue Ala au Malelaha.

Matiu 27:54

Tadulako surodado hai surodadona au mokampai Yesu, langa mpuuhe mohadi linu hai moita ope-ope au mewali iti. Rauli, “Tou mpuu Ia ide Anana Pue Ala!”

Matiu 17:5

Tangana mani Peturu mololita, unga pea hawe gawu au mewangka mobalungkuhihe, hai hangko i lalu gawu iti mohadihe hambua wotu au manguli, “Idemi AnaNgku au Kupokakaia hai au Kupokatana. Nipehadingi lolitaNa!”

Pampetudungia 2:1

Nauliangaana Yesu, “Nuukimi lolita ide hawe i tadulako au mokadipura jumaa i wanua Epesu: Idemi lolitana Pue Yesu au mokingki betue au pitu oguna i taie koanaNa hai au molumao i olo pitu mbuana biti hulo bulawa.

Yohane 1:49

Nauli Natanael, “Guru, tou mpuu AnanaKo Pue Ala! Oio mpuumi Datunda to Isaraeli!”

Suro 8:36

Tanganda mokareta, moitamohe owai i wiwi rara. Nauli to Etiopia iti i Pilipu, “Peita, indolou ara owai. Peisana nuriu?”

Suro 16:14

I olonda towawine iti, ara hadua au rahanga Lidia hangko i wanua Tiatira. Ia, topobalu-balu bana maroa au masuli holona, hai au menomba wori i Pue Ala. Pue Ala mopakanoto laluna, alana modoko apa au napaturoahe Paulu.

Pampetudungia 2:24

Agaiana arakau hanggaa i Tiatira au bara mampeulai paturo au kadake iti, hai bara niunde mampegurui au rauli, ‘Kapangisana Datu Tokadake au tewuniangi’. Mewali Kuuliangaakau, barapi ina Kutambai haleami hai parenta ntanina.