Pampetudungia 2:10 - Sura Malelaha

¹⁰ Bona niisa: Datu Tokadake ina motarunggu hanggaa hangko irikamu, hai ina nakelokau bona mousulikau hangko i pepoinalaimi. Ina rapopeahi-ahikau hampulo alona kamahaena. Agaiana inee nipokalanga pepopeahi-ahi iti. Hangangaa mantahakau i lalu pepoinalaimi kehapirikau rapapate. Ane nodo nibabehi, ina Kuweikau katuwo maroa au bara mokahopoa, hurungina penangimi.

Pampetudungia 2:10 교차 참조

Yakobu 1:12

Morasihe tauna au mantaha i lalu kapari hai pampetandaka. Lawi ane pepoinalainda mantaha i pampetandaka iti, ina molambihe katuwo au bara mokahopoa au nadandimi Pue Ala i tauna au maahi Iria.

Matiu 10:22

Ina rakahihikau ope-ope tauna anti peulami Iriko. Agaiana tauna au meula liliu Iriko duuna i kahopoana ina tehoremahe.

1 Peturu 5:4

bona ane hawe Toporewunta au meawa tuwoNa, ina Naweikau hambua songko datu au mengkila-ngkila liliu hawe i hae-haena.

Markus 13:13

Anti peulami Iriko, ina rakahihikau ope-ope tauna. Agaiana tauna au meula liliu Iriko duuna i kahopoana ina tehoremahe.”

Epesu 6:12

Lawi i pombealata ide, barake moewa manusia agaiana moewake au makuasa au bara taita. Moewake tadulako-tadulako kamakaindi au makuasa i dunia. Moewake hinangka seta hai tokadake au mokuasai laerawa.

Pampetudungia 2:9

Nauli: Kuisa kapari au morumpakau, hai Kuisa peahi-ahimi, agaiana katouana pebukukau i lalu pepoinalaimi. Kuisa noumba karakakabosaimi tauna au moulihe katoYahudinda. Agaiana katouana, i lalunda barahe to Yahudi; topegurunarihe Datu Tokadake.

Matiu 24:13

Agaiana tauna au mepoinalai liliu Iriko duuna i kahopoana ina molambihe katuwo maroa.

1 Peturu 5:8

Hangangaa manoto pekirimi hai mainga-ingakau! Lawi Datu Tokadake au mewali iwalimi molulumao nodo hambaa singa au melolo-lolo mohahaoki tauna au ina nahaka. Hangko pelolonato, melangakimi.

1 Korintu 9:25

Tauna au momberiri iti, hangangaa mokampai watanda, molati liliuhe hai mampeulaihe atura pelangka. Hangangaa mokuasaihe watana i paka-pakana bona molambihe parasee. Parasee iti, iami bunga au ina malau pea. Agaiana ikita, hangangaa mantahake i hinangkana kapari lawi mampeinaoke molambi parasee au bara mokahopoa.

Matiu 10:28

Ineekau mampokalanga tauna au peisa peahe mopapate watami, lawi bara ara kuasanda mohukukau hawe i hae-haena. Au hangangaa nipokalanga iami Pue Ala, lawi Ia au makuasa motendekau i lalu naraka.

Pampetudungia 13:7

Ia rapaliu wori mampombealaahe taunana Pue Ala hai nanangihe. Hai ia rapogiangaa mokuasai tauna i humalele dunia, ope-ope tauna hangko i ope-ope kadatua, ope-ope pemulea hai hinangka basa.

Epesu 2:2

I tempo iti, babehiami alo-alona moula babehianda tauna au kadake i dunia ide; lempona matundukau i Datu Tokadake au makuasa i laerawa. Kuasa iti duuna ide-ide, mobago liliu i lalunda tauna au barahe mengkoru i Pue Ala.

Yohane 13:2

Kaindi iti Yesu hai topeguruNa maande sambelahe. I tempo iti, Datu Tokadake mokaleami laluna Yudasi anana Simo Iskariot bona mampobalu Yesu.

Yohane 12:25

Tauna au mampokakaia watana, bara ina molambi katuwo maroa. Agaiana tauna au mokabaha peundeana haduduana i dunia ide, ina molambi katuwo maroa au bara mokahopoa.

Lukasi 21:12

Agaiana hangko damani ope-ope iti mewali, ikamu ina rahaka hai rapopeahi-ahi. Ina rasalaikau i lalu sou penombaa hai ratarunggukau. Anti peulami Iriko, ikamu ina rahuhu i datu hai topoparenta.

Markus 8:35

Hema au mokabaha peundeana haduduana anti peulana Iriko hai Ngkora Marasa, kehapiri rapapate, ia molambi katuwo maroa. Agaiana hema au mampeulai peundeana haduduana bara molambi katuwo maroa.

Pampetudungia 13:2

Binata au kuita iti, lenggena nodo lengge binata macan tutul, agaiana bitina nodo biti berua hai humena nodo hume singa. Hai naga mowei binata au kadake iti poparentana, kamarohona hai kuasana au mahile.

Suro 21:13

Agaiana nahanairingkai, nauli, “Moapari hai moteriakau? Ineekau mopamalede lalungku! Kehapiri rahiluna ba rapapate mpuuna anti peulangku i Pue Yesu, masilolongamona lao i Yerusale.”

Suro 20:24

Kehapiri nodo, barapi kupekiri watangku bona peisana moparoo bago au napoinalaiana Pue Yesu. Pobagongku ide, mopahawe Ngkora Marasa au mopatongawa kabulana laluna Pue Ala irikita.

Yohane 13:27

Kanadokona Yudasi roti iti, mesuami Datu Tokadake i laluna. Roo indo, nauliangaa Yesu, “Apa au ina nubabehi, nubabehimi holiga.”

Pampetudungia 2:13

Nauli: Kuisa iumba paidaami. Maidakau i wanua pohudaana Datu Tokadake. Agaiana nipangaku liliuNa. I karapapatena sabiNgku Antipas, bara nisapuaka kanipoinalaiNgku. Antipas iti iami sabiNgku au mopangaku liliuNa duuna rapapate i boeami au nakuasai Datu Tokadake.

Pampetudungia 13:14

Tanda kuasa iti, nababehi hangko i kuasa binata au nguru-nguruna. Hai kuasa iti, ia mopakanawomohe tauna au maida i dunia. Natudumohe moaro hambua watu molengge mewali tanda pebilanda i binata au nguru-nguruna. Binata au nguru-nguruna iti iami binata au rabata hai piho agaiana bara mate.

Pampetudungia 17:14

Ina mampombealaa Ana Dimba. Agaiana ina nanangihe Ana Dimba iti, lawi iami Pue hangko i ope-ope pue hai Datu hangko i ope-ope datu. Ana Dimba iti ina raporangai taunaNa au Nakakio hai au Napilei, hai au meula liliuhe Iria.”