Pampetudungia 17:4 - Sura Malelaha

⁴ Towawine iti mebadu malei hai malentoro, meparewa bulawa hai mutiara hai paramata au masuli holona. Ia mokingki haogu mangko bulawa au buke hai paenu au meringkui. Paenu iti lempona, babehiana au mepakaea hai au merikai.

Pampetudungia 17:4 교차 참조

Pampetudungia 18:16

rauli, “Hurewu, hurewumi wanua Babeli au mahile hai maroho! Hangkoia to Babeli mopake hampi au maluha, bana malei hai malei malelentoro. Hai meparewa bulawahe, watu paramata hai mutiara.

Pampetudungia 19:2

Toiami Pue Ala, lawi pobotusiNa manoto hai tou. Ia mohukumi towawine au bara maroa adana, au mopakadake dunia ide hai babehiana au merikai. Nahukumi lawi masala anti popapatena hawinahe Pue Ala.”

Pampetudungia 18:12

au ngkaia pakana iti, nodo: bulawa, salaka, paramata, hai mutiara. Nodo wori hampi maluha au rababehi hangko i bana au masuli hai bana au malei hai malentoro. Ara anu-anu au rababehi hangko i kau mawongi, hangko i ngihi gaja, hai anu-anu ntanina au rababehi hangko i kau masuli, ba hangko i tambaga, besi ba watu pualam.

Pampetudungia 14:8

Hangko inditi, ara wori malaeka karoduana au meula boko i malaeka au nguru-nguruna, mololita, nauli, “Mageromi! Mageromi wanua Babeli au mahile ntepuu! To Babeli iti, mowawahahe tauna i humalele dunia moenu apa au melangui. Lempona, to Babeli mowawaha tauna ntanina bona mampeulaihe babehianda au bara hintoto.”

Pampetudungia 21:21

Babaka au hampulo hai rombua iti, ope-ope rababehi hangko i watu au maluha, hangana mutiara. Ogu-oguna babaka rababehi hangko i haogu mutiara au mahile. Rara i wanua iti rababehi hangko i bulawa ntepuu au mengkila-ngkila nodo kaca.