Kuhadi mbulimi hambua wotu au mololita masisimbuku hangko i lalu Souna Pue Ala i malaeka au pituhe, nauli, “Laomokau mobumbuha ihi pambolia karumpuna Pue Ala i wongko dunia!”
Hai hawe worimi hadua malaeka au ntanina, iami au mokampai api i meja pointua dupa. Malaeka iti mololita masisimbuku i malaeka au mokingki kandao au mataru, nauli, “Nutewokami kandaomu hai nuhambekimi wua anggoro i dunia, lawi mangkami.”
Hangko indo, tebungkahimi baba Souna Pue Ala i suruga, hai i lalu SouNa raita Peti Podandi. Liliu mombehangkemi kila, kegumpatami, kelinu, hai toami uda mowua au rumihi.
Roo indo, malaeka au kapitu mobumbuhami ihi pambolia karumpuna Pue Ala i laerawa. Hai hangko i kadera kadatua i lalu Souna Pue Ala i suruga, kuhadimi hambua wotu au mololita masisimbuku, Nauli, “Hopomi!”
