Malaeka iti motewokami kandaona, mohambeki wua anggoro hangko i kauna, hai natende i lalu popiengaa anggoro au mahile. Popiengaa anggoro iti, lempona karumpuna Pue Ala i tauna au kadake.
Hangko indo, kuitami gawu au bula. Hai i wongko gawu iti, mohudami hadua tauna, lenggeNa nodo Ana Manusia. I waaNa ara songko bulawa, hai taieNa, mokingki hamata kandao au mataru.
Hambela tempo Iko Ana Manusia ina maiNa hangko i suruga mampetudungia peawana tuwoNgku au himbela hai peawana tuwona UmaNgku. I tempo iti, bosa wori malaeka ina moulaNa, hai batena Kuhurungi babehianda ope-ope tauna.
Roo indo, ara hadua malaeka ntanina au hawe hangko i Souna Pue Ala. Ia mololita masisimbuku i tauna au mohuda i wongko gawu iti, nauli, “Nutewokami kandaoMu hai meparemoKo! Tempo mepare hawemi, lawi ihi dunia mangkami.”
