Pampetudungia 13:11 - Sura Malelaha

¹¹ Roo iti, kuita mbulimi hambaa binata ntanina au mesuwu hangko i tampo. Binata iti motandu rombua, nodo tandu ana dimba, agaiana wotuna nodo wotu naga.

Pampetudungia 13:11 교차 참조

Matiu 7:15

“Mainga-ingakau i nabi au mepakanawohe. Ihira hawe i olomi nodohe dimba agaiana katouana nodohe serigala au maseke.

Pampetudungia 17:6

Kuita towawine iti, malangumi moenu wahenda taunana Pue Ala. Lempona, ia mopapatehe tauna au mopangaku kaYesuna Ampunda. Tingkara mpuuna moita towawine iti.

Pampetudungia 16:13

Hai kuita wori seta au kadake ntepuu mesupa hangko i nganga naga. Ara wori au mesupa hangko i nganga binata au kadake, hai au ntanina mesupa hangko i ngangana nabi au mepawuli. Talu seta iti nodohe seo,

Pampetudungia 13:17

Bara ara hadua tauna au peisa meholo ba mobalu-balu ane bara ara tanda iti i taiena ba i wingkena. Tanda binata iti, iami hangana binata au nguru-nguruna ba angka au lempona hangana.

Pampetudungia 11:7

Ane hopomi bagonda mopahawe Ngkorana Pue, ina hawe hambaa binata au kadake au moewahe. Ia ina monangihe hai mopapatehe. (Binata au kadake iti iami binata au ina mesuwu hangko i kabe ngkapate au bara tehoka kakaladuna.)

Roma 16:18

Lawi tauna au nodo babehianda, barahe mampopolumao bagona Kerisitu Amputa; moula peahe peundeana lalunda. Hai lolita peroasinda au momi, mopakanawohe tauna au bara manihe moisa apa-apa.

Pampetudungia 12:17

Masodo ntepuumi naga i towawine iti. Ido hai laomi mampombealaa pemuleanahe towawine iti au ntanina, iami tauna au mampeulaihe hawana Pue Ala hai au mopangaku kaYesuna Ampunda.

2 Tesalonika 2:4

I lalu pampemahilena Manusia Kadake iti ina meewa hai mampeiwongko hangko i ope-ope au rapenombai manusia. Hai ia ina mohuda wori i Souna Pue Ala hai nauli kaianami Pue Ala.

Pampetudungia 17:8

Hangkoia tuwo, hai ide-ide barapi ara, agaiana ina mesuwu hule hangko i kabe ngkapate au bara tehoka kakaladuna. Hai roo indo, ina rahuku mate. Tauna au maida i dunia au bara teuki hanganda i lalu Sura Ngkatuwo hangko damani dunia rapopewali, ina tingkarahe moita binata iti. Lawi hangkoia tuwo, ide-ide barapi ara, agaiana hambela tempo ina hawe hule.

Pampetudungia 13:1

Roo indo, kuita hambaa binata au mesuwu hangko i tahi. Tanduna hampulo mbuana, hai waana pitu oguna. I ope-ope tanduna, ara songko datu, hai i ope-ope waana, teuki hanga-hanga pekakabosai i Pue Ala.

Pampetudungia 13:4

Menombamohe i naga, lawi ia au mowei kuasa i binata au kadake iti. Hai menomba worimohe i binata iti, rauli, “Hema au himbela hai kamakuasana? Hema au peisa moewa binata iti?”