Pampetudungia 12:9 - Sura Malelaha

⁹ Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.

Pampetudungia 12:9 교차 참조

Lukasi 10:18

Nauli Yesu, “Kuitami Datu Tokadake manawo hangko i langi nodo kila!

Yohane 12:31

Ide-ide hawemi tempona Pue Ala hangangaa mobotusi ope-ope manusia i dunia. Hai hawe worimi tempona Datu Tokadake au mokuasai dunia ide hangangaa ranawo.

Pampetudungia 20:10

Roo nodo, Datu Tokadake iti, au mopakanawo tauna, ratende i lalu tahi api au lolaa hai au mawaa. I tahi api itimi hangkoia ratendehe binata au kadake hai nabi au mepawuli. Inditi, rapopeahi-ahi liliuhe hawe i hae-haena.

1 Yohane 5:19

Hai taisami: ikita ide napoanamoke Pue Ala, hai ope-ope dunia ide nakuasai Datu Tokadake.

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

Pampetudungia 12:7

Hangko inditi, moitana pombeala mahile i suruga. Tadulako malaeka au rahanga Mikael hai hangka malaekana moewahe naga iti, hai naga iti radurei wori malaekana.

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

Pampetudungia 20:8

hai ia ina lao mopakanawo tauna i humalele dunia, au rapandiri nodo Gog hai Magog. Hai naguluhe bona naantihe lao mombeala. Kabosanda nodo wungi i wiwi ntahi.

Pampetudungia 12:3

Ara mani hambua tanda au raita i langi. Ara hambaa naga au malei. Naga iti, mahile ntepuu, mowaa pitu hai motandu hampulo. I ope-ope waana ara songko datu au koi.

Pampetudungia 9:1

Roo indo, malaeka au kalima motawue worimi tatamburuna, hai unga pea kuita haogu betue au manawo hangko i langi toa i dunia. Betue iti rawei pegili baba kabe ngkapate au bara tehoka kakaladuna.

Pampetudungia 2:24

Agaiana arakau hanggaa i Tiatira au bara mampeulai paturo au kadake iti, hai bara niunde mampegurui au rauli, ‘Kapangisana Datu Tokadake au tewuniangi’. Mewali Kuuliangaakau, barapi ina Kutambai haleami hai parenta ntanina.

Pampetudungia 2:13

Nauli: Kuisa iumba paidaami. Maidakau i wanua pohudaana Datu Tokadake. Agaiana nipangaku liliuNa. I karapapatena sabiNgku Antipas, bara nisapuaka kanipoinalaiNgku. Antipas iti iami sabiNgku au mopangaku liliuNa duuna rapapate i boeami au nakuasai Datu Tokadake.

1 Peturu 5:8

Hangangaa manoto pekirimi hai mainga-ingakau! Lawi Datu Tokadake au mewali iwalimi molulumao nodo hambaa singa au melolo-lolo mohahaoki tauna au ina nahaka. Hangko pelolonato, melangakimi.

2 Korintu 11:14

Bara tapotingkara babehianda, lawi nodo wori babehiana Datu Tokadake au mobaliki watana mewali nodo hadua malaeka au mewangka.

2 Korintu 2:11

Ido hai kuuli agina taampungi woia bona dati ara katepakana Datu Tokadake mokeloke. Lawi taisa, Datu Tokadake iti mapande moakalangi tauna bona manawohe i dosa.

Roma 16:18

Lawi tauna au nodo babehianda, barahe mampopolumao bagona Kerisitu Amputa; moula peahe peundeana lalunda. Hai lolita peroasinda au momi, mopakanawohe tauna au bara manihe moisa apa-apa.

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”

Lukasi 22:31

Roo indo, Yesu mouliangaa Simo Peturu, “Simo! Nupehadingi: Datu Tokadake rawei mpuumi katepaka mokelokau. Nodo pare au ratapihi, ina tepatani au wara hai au moihi.

2 Korintu 11:3

Agaiana kuperapi ineekau hawe rapakanawo alana barapokau mepoinalai i Kerisitu hangko i lalumi. Nodo ile mokelo Hewa hai lolitana au momi, ara worihe tauna au mampeinao bona moulakau paturonda au mosisala hai pepoinalaimi i Kerisitu.

Lukasi 22:3

Roo indo, Yudasi au rahanga wori Iskariot, hadua hangko i topeguruna Yesu au hampulo hai rodua, napesuangimi Datu Tokadake.

Lukasi 8:12

Iba pakana paidaa au nakanawoi tinuda iti, rapopandiri lalu tauna. Tinuda au manawo i rara, lempona mohadi mpuuhe Ngkorana Pue Ala, agaiana Datu Tokadake mopawuli lalunda, duuna barahe mepoinalai, hai barahe tekabaha hangko i huku dosanda

Matiu 25:41

Roo indo, Kuuliangaahe au ntanda i kabeoNgku, ‘Padumokau hangko inde, ikamu au harara i UmaNgku! Mesuamokau i lalu api au rore liliu, au rapasilolonga mewali pohukuanda Datu Tokadake hai hinangka malaekana.

Matiu 4:10

Nahanai Yesu, “Peloho Tokadake! Lawi i lalu Sura Malelaha teuki node, ‘Hangangaa menombako i Ampumu, Pue Ala. Batena pea Ia au hintoto nupengkorui.’ ”

Matiu 4:8

Roo indo, Datu Tokadake moanti mbulimi Yesu lao i wongko bulu au mapangka ntepuu, hai natudungia ope-ope kadatua i dunia hai peawanda,

Matiu 4:5

Roo indo, Datu Tokadake moanti Yesu lao i Yerusale, wanua au malelaha, hai natudu meangka i wongko wumbu Souna Pue Ala,

Matiu 4:1

Roo indo, Yesu naanti Inaona Pue Ala lao i pada wungi bona nakelo Datu Tokadake.

Pampetudungia 19:20

Kahopoana binata au kadake iti rahaka hihimbela hai nabi au mepawuli iti. Ihira, ratendehe i lalu tahi api au lolaa hai au mawaa. Nabi au mepawuli iti, iami au mobabehi tanda kuasa hai kuasana binata au kadake. Anti tanda kuasa iti, ia mopakanawohe tauna au modoko tanda binata hai au menomba i lengge binata iti.

Pampetudungia 16:14

hai makuasahe mobabehi tanda kuasa. Laohe mokakio ope-ope datu hangko i humalele dunia, raguluhe bona mombealahe i alo pebotusi. I tempo iti, Pue Ala au makuasa ina monangi ope-ope au mampoiwali Pue Ala.

Pampetudungia 13:14

Tanda kuasa iti, nababehi hangko i kuasa binata au nguru-nguruna. Hai kuasa iti, ia mopakanawomohe tauna au maida i dunia. Natudumohe moaro hambua watu molengge mewali tanda pebilanda i binata au nguru-nguruna. Binata au nguru-nguruna iti iami binata au rabata hai piho agaiana bara mate.

Pampetudungia 9:20

Agaiana manusia au bara rapapate i pepopeahi-ahi iti, mia-miahe bara menoso hangko i babehianda au kadake. Barahe mau mampenosoi pepapatenda, pedotinda, babehianda au merikai hai panangkanda. Bara worihe mokabaha penombaanda i seta hai i lengge anitu au rababehi hai taienda haduduanda. Lengge iti rababehi hangko i bulawa, salaka, tambaga ba hangko i kau. Lengge au rababehi iti, barahe meita, barahe mehadi, hai bara worihe lumao.

Pampetudungia 3:9

Arahe tauna au mouli kaihiranda to Yahudi, agaiana dongkonda pea. I lalunda, barahe to Yahudi; topegurunarihe Datu Tokadake. Tauna iti, ina Kuanti irikamu. Ina molingkuduhe i lindomi, hai rapangaku kaKupokaahimi.

Pampetudungia 2:9

Nauli: Kuisa kapari au morumpakau, hai Kuisa peahi-ahimi, agaiana katouana pebukukau i lalu pepoinalaimi. Kuisa noumba karakakabosaimi tauna au moulihe katoYahudinda. Agaiana katouana, i lalunda barahe to Yahudi; topegurunarihe Datu Tokadake.

Yudasi 1:9

Mogalori Mikael tadulakonda ope-ope malaeka, bara bai mopapakoi Datu Tokadake. I kapatena nabi Musa, mampombeheheihe watana Musa ba hema au ina mangala. Mikael bara bai mopapakoi Datu Tokadake hangko i kuasana haduduana, agaiana nauliangaa pea: “Pue haduduaNa ina mampokarumpuko!”

Ibarani 2:14

Tauna au napoanahe Pue Ala, tauna biasa peahe au hangangaa mate. Ido hai Yesu mewali wori manusia hai tuwo nodo tauna biasa bona anti kapateNa Ia mogero kuasana Datu Tokadake au mopaara kapate.

2 Timotiu 3:13

Agaiana tauna au kadake hai au modongko, ina tetambai kakadakena babehianda. Mopakanawohe ranganda hai paturonda au sala, agaiana tepakanawo worihe.

1 Timotiu 2:14

Bara Adama au naakalangi Datu Tokadake, agaiana Hewa au naakalangi, alana molingkai parentana Pue Ala,

2 Tesalonika 2:3

Nauri noumba raranda, inee mpuuhe nipogiangaa mopakanawokau, lawi hangko da hawe Alo iti, hangangaa mewali hampai: bosa tauna ina moewahe Pue Ala, hai Manusia Kadake au tepakanotomi mesua i naraka, ina mampatongawa.

Epesu 4:14

Mewali, ane nodo kamarohona pepoinalainta, barapoke ina holi-holi rapakanawo nodo anangkoi, lawi pekiri anangkoi nodo hehi au nawui himburu node hou node mai. Agaiana ikita, barapoke nodo. Barapoke ina mampeulai hinangka paturo hangko i tauna au mepawuli hai mepakanawo.

2 Korintu 12:7

Mewali, anti karumihina kamaroana hinangka au napatongawa Pue Ala, Ia moweina haki au morumpa watangku bona datina mampemahile. Haki ide peisa rapandiri nodo dui i watangku ba nodo hadua hawina Datu Tokadake au hawe iriko bona mampopeahi-ahina.

Roma 16:20

Pue Ala, pongka roa ngkatuwo, ina monangi hai moropui Datu Tokadake i lalu katuwomi. Halalu-halalungku! Amputa Yesu Kerisitu, mowatikau hai mamporangai liliukau.

Suro 5:3

Ido hai mololita Peturu i Ananias, nauli, “Ananias, Datu Tokadake au mokuasai lalumu! Mampodongkoamoko Inao Malelaha, lawi nuuli doi holo tampomu nuhuhumi ope-ope, moleri nuwolito hanggaa!

Yohane 16:11

Hai Ia ina mopakanoto wori kanahukunda Pue Ala tauna au madosa, lawi Datu Tokadake au mokuasai dunia ide rahukumi.

Yohane 14:30

Barapi ngkaia katepakaNgku mololita hai ikamu, lawi ina hawemi Datu Tokadake. Ia au mokuasai dunia ide, agaiana bara makuasa Iriko.

Lukasi 13:16

Inde, ara hadua towawine au pemuleana wori Burahima; hampulomi hai ualu parena nahilu Datu Tokadake. Bara pae hintoto ane towawine ide rakabaha hangko i karatakana i Alo Pengkarooangaa?”

Matiu 24:24

Lawi ina hawe bosa tauna au mepakanawo au manguli Datu Topehompohe ba nabihe. Ina mobabehihe tanda kuasa hai tanda au metingkarai bona mopakanawohe bosa tauna. Ane peisa, mogalo tauna au napilei Pue Ala, rapakanawo wori.

Matiu 13:39

Iwali au mohawu dana, iami Datu Tokadake. Tempo pepare, lempona alo pebotusi i kahopoa dunia. Hai topepare, lempona malaeka.

Pampetudungia 18:2

Ia monganga masisimbuku, nauli, “Magero! Mageromi Babeli, wanua au mahile! Mepongka ide-ide, wanua ide rapaidaimi seta, tokadake, hai hinangka tadasi au rapalia hai rakahihi.

Pampetudungia 18:23

Barapi ina ara au mopatuwo hulo. Barapi ina ara wotu toratauna. Barapi ina ara wotu posusa petauna. Ope-ope iti ina mewali lawi hangkoia topobalu-balu i Babeli mahile hanganda i dunia, hai anti kapangisanda au kadake, mopakanawomohe ope-ope tauna i dunia.

Pampetudungia 12:8

Agaiana naga iti hai malaekanahe ranangi; ido hai barapohe rapaliu maida i suruga.

Pampetudungia 12:12

Ido hai matanamokau, ikamu au maida i suruga. Agaiana hurewumokau, ikamu au maida i humalele dunia, lawi Datu Tokadake mendaulumi lao irikamu. Rumihi kamasodona, lawi naisa, tempona barapi mahae.”