Pampetudungia 11:7 - Sura Malelaha

⁷ Ane hopomi bagonda mopahawe Ngkorana Pue, ina hawe hambaa binata au kadake au moewahe. Ia ina monangihe hai mopapatehe. (Binata au kadake iti iami binata au ina mesuwu hangko i kabe ngkapate au bara tehoka kakaladuna.)

Pampetudungia 11:7 교차 참조

Lukasi 13:32

Nauliangaahe Yesu, “Niuliangaa topeakalangi iti node: Alo ide hai kahalo Kupopolumao mani pobagoNgku mampopeloho seta hai mopakaoha tauna au mahai. Agaiana i kataluna alona, ina hopomi bagoNgku.

Lukasi 8:31

Seta iti merapihe i Yesu bona ineehe Napopeloho lao i karahukuanda seta.

Yohane 17:4

Uma, Kupatongawami peawaNa tuwoMu i dunia ide i poparooNgku bago au NuweiNa.

Yohane 19:30

Napeminami Yesu, pane Nauli, “Hopomi!” Roo indo, motumpa, hai opemi inaoNa.

Suro 20:24

Kehapiri nodo, barapi kupekiri watangku bona peisana moparoo bago au napoinalaiana Pue Yesu. Pobagongku ide, mopahawe Ngkora Marasa au mopatongawa kabulana laluna Pue Ala irikita.

2 Timotiu 4:7

Kupeulai maroami rara au napakanotoana Pue. Kupahopomi bagongku. Pepoinalaingku bara tebali hawe i kahopoana.

Pampetudungia 11:3

I tempo iti, ina Kutudu rodua sabiNgku lao mopahawe NgkoraKu. SabiNgku au rodua iti mehampihe waru ngkasusa, hai mobambarihe NgkoraKu i lalu hasabu rongatu hai ini pulona alona.”

Pampetudungia 12:17

Masodo ntepuumi naga i towawine iti. Ido hai laomi mampombealaa pemuleanahe towawine iti au ntanina, iami tauna au mampeulaihe hawana Pue Ala hai au mopangaku kaYesuna Ampunda.

Pampetudungia 13:11

Roo iti, kuita mbulimi hambaa binata ntanina au mesuwu hangko i tampo. Binata iti motandu rombua, nodo tandu ana dimba, agaiana wotuna nodo wotu naga.

Pampetudungia 13:7

Ia rapaliu wori mampombealaahe taunana Pue Ala hai nanangihe. Hai ia rapogiangaa mokuasai tauna i humalele dunia, ope-ope tauna hangko i ope-ope kadatua, ope-ope pemulea hai hinangka basa.