19 Hangko indo, tebungkahimi baba Souna Pue Ala i suruga, hai i lalu SouNa raita Peti Podandi. Liliu mombehangkemi kila, kegumpatami, kelinu, hai toami uda mowua au rumihi.
Toa wori hangko i langi wua uda au nodo watu kamahilena, monawongi manusia. Haogu, ba arato pae lima pulona kilo kamantimina. Ido hai tauna mopapakoimohe Pue Ala, lawi rumihi mpuu karapopeahi-ahinda.
Hangko i kadera kadatua iti, mombehangkemi kila, hai mopereremi gumpata. I lindo kadera kadatua iti, ara pitu mbuana hulo au rore. Hulo iti, lempona Inaona Pue Ala au mampopolumao pitu pakana bago.
Roo indo, malaeka iti mangala tabo pointua dupa, napambolii api hangko i meja pointua dupa, hai nanawo i dunia. Hangko indo, kegumpatami, kekilami, hai kelinumi.
Roo indo, kuita suruga tebungkahi, hai kuita hambaa dara au bula. Hai au mesawi i dara iti, rahanga: “Au Tetida hai Au Manoto.” Manoto pebotusiNa, hai ane mombeala, mombeala i kanoto-notoana.
Malaeka au kapitu motawuemi tatamburuna. Hai arahe au monganga-nganga i lalu suruga, rauli, “Ide-ide poparenta i dunia i taienami Pue Ala himbela hai Datu Topehompo au Napileimi bona Pue Ala moparenta i hae-haena.”
Tempo iti, unga pea kelinu mahile. Hangkira hampulo hangko i wanua iti magero, hai pitu sabuna tauna mate. Langa mpuumohe tauna ntanina, ido hai motoiahe Pue Ala, rauli, “Mahile mpuu kuasana Pue Ala au i suruga!”
Malaeka au kaisa motawue tatamburuna, hai unga pea ara uda mowua hangko i langi. Nodo wori, api mogalo wahe toami i dunia. Tehuwemi pandulu hai ope-ope hehi malewau i hangkira talu dunia.
Roo ido, ara mbuli au rapatongawaana. Moitana hambua baba i suruga tebungkahi, hai mohadi mbulina hambua wotu nodo au kuhadi nguru-nguruna. Pomonina nodo tatamburu. Nauliangaana, “Maiko! Ina Kutudungiako apa au hangangaa mewali i alo au ina mai.”
Ido hai meangkahe i lindo kadera kadatuana Pue Ala, hai menombahe alo-alona hai wengi-wengina i lalu Souna Pue Ala. Hai Pue Ala au mohuda i kadera kadatuaNa ina mokampaihe.
Roo indo, kuita i langi hambua tanda au mewulungai: ara hadua towawine au hampina nodo pewangka alo hai i woi bitina ara wula. I waana ara songko au rababehi hangko i hampulo hai roogu betue.
Kuhadi mbulimi hambua wotu au mololita masisimbuku hangko i lalu Souna Pue Ala i malaeka au pituhe, nauli, “Laomokau mobumbuha ihi pambolia karumpuna Pue Ala i wongko dunia!”
