Pampetudungia 11:12 - Sura Malelaha

¹² Roo indo, rodua sabi iti mohadi hambua wotu hangko i suruga au mokakiohe node: “Mengkaoremokau mai!” Teore mpuumohe lao i suruga nabalungkuhi gawu, hai pengkaorenda iti raita-ita mata ope-ope iwalinda.

Pampetudungia 11:12 교차 참조

Pampetudungia 4:1

Roo ido, ara mbuli au rapatongawaana. Moitana hambua baba i suruga tebungkahi, hai mohadi mbulina hambua wotu nodo au kuhadi nguru-nguruna. Pomonina nodo tatamburu. Nauliangaana, “Maiko! Ina Kutudungiako apa au hangangaa mewali i alo au ina mai.”

Suro 1:9

Karoona mololita nodo, teangkami Yesu lao i suruga. Rapengoami duuna barapi raita lawi nabalungkuhi gawu.

1 Tesalonika 4:17

Hai roo indo, ikita au tuwo manike i tempo iti ina Naoreke hihimbela hai ihira lao i lalu gawu mampohidupaa Pue Yesu i laerawa. Hai ina maidake hihimbela hai Pue hawe i hae-haena.

Pampetudungia 12:5

Moana mpuumi towawine iti, hadua tobalilo. Anangkoi itimi au ina moparenta humalele dunia hai rohoNa au nodo kamaroho lai besi. Hangko da tepaka Anangkoi iti naame naga, Ia raala hai raanti lao i Pue Ala bona moparenta sambela hai Ia i lalu suruga.

Pampetudungia 3:21

Hema au menangi, ina Kupopohuda hihimbela hai Iko i kadera kadatuaNgku, nodo Iko au menangimoNa, hai mohudaNa moparenta hihimbela hai UmaNgku i kadera kadatuaNa.

Lukasi 16:23

Agaiana topebuku iti raanti i paidaa tomate, hai inditi ia mantodiha liliu. Roo indo, mengoami hai moita ngkarao Burahima. Lasaru mohuda i holana.