Pampetudungia 11:10 - Sura Malelaha

¹⁰ Tauna kadake au maida i dunia ina mampokatana kapatenda nabi au rodua iti. Ina mosusahe hai mombeparaseengihe, lawi nabi au rodua iti, au mampopeahi-ahihe hangkoia, matemohe.

Pampetudungia 11:10 교차 참조

Pampetudungia 3:10

Anti kanipeulaina hawaNgku au manguli hangangaa mantahakau, ido hai ina Kupeparaikau hangko i kapari au ina morumpa humalele dunia. Ope-ope tauna au maida i dunia, ina rapetandakahe i tempo kapari iti.

Suro 5:33

Karahadina tadulako lolitanda suro iti, rumpu ntepuumohe, hai rapeinaomi mopapate surona Pue Yesu.

Yohane 7:7

lawi bara ara tauna au mokahihikau. Agaiana Iko, rakahihiNa tauna au kadake i dunia ide, lawi Kupakanotoahe kakadakena babehianda.

Matiu 10:22

Ina rakahihikau ope-ope tauna anti peulami Iriko. Agaiana tauna au meula liliu Iriko duuna i kahopoana ina tehoremahe.

Pampetudungia 13:14

Tanda kuasa iti, nababehi hangko i kuasa binata au nguru-nguruna. Hai kuasa iti, ia mopakanawomohe tauna au maida i dunia. Natudumohe moaro hambua watu molengge mewali tanda pebilanda i binata au nguru-nguruna. Binata au nguru-nguruna iti iami binata au rabata hai piho agaiana bara mate.

Pampetudungia 13:8

Ope-ope tauna au maida i dunia menomba iria. Au bara menomba iria, batena pearaihe tauna au teuki hanganda i lalu Sura Ngkatuwo hangko damani dunia rapopewali. Sura Ngkatuwo iti, iami surana Ana Dimba au rasambale. I lalu sura iti, teuki hanganda tauna au molambi katuwo maroa au bara mokahopoa.

1 Korintu 13:6

Ane maahike i ranganta, lempona, bara tapokatana apa au kadake, tapokatana apa au manoto,

Yohane 16:20

Tou mpuu lolitaNgku ide: ina moteriakau, agaiana tauna au bara mepoinalai Iriko, matana-tanahe. Ina masusa lalumi, agaiana kamasusana lalumi iti ina tebaliki mewali kamatanami.

Pampetudungia 16:10

Malaeka au kalima mobumbuhami ihi pambolia karumpuna Pue Ala i kadera kadatuana binata au kadake iti. I humalele kadatuana, unga pea makaindi, hai ope-ope tauna mokekimohe dilanda anti pantodihanda.

Pampetudungia 12:13

Kanaisana naga iti karatendenami i dunia, ia mowulai towawine au mampopesupa Anangkoi tobalilo iti.